КъМР-ни прокуратурасыны коллегиясыны жыйылыуунда жашау журт-коммунал мюлкде федерал законла къалай толтурулгъанлары сюзюлгенди.   Аны ведомствону башчысы Николай Хабаров бардыргъанды. Тюбешиуге Правительствону таматасыны биринчи орунбасары  Муаед Кунижев, башха жууаплы ведомстволаны келечилери къатышхандыла.

Жыйылыуда коммунал жумушла ючюн тёлеулени къураугъа надзор тамамлауну соруулары сюзюлгендиле. Сёз кёп къатлы юйлени тынгылы жангыртыу эм инсанланы осал, оюлургъа къоркъуулу юйледен кёчюрюу программаланы жашауда бардыргъанда  къырал эм жер-жерли власть органла борчларын къалай толтургъанларына къаралгъанды. Районлада прокурорла  бу сфералада ачыкъланнган бузукълукъланы кетериу жаны бла   мадарла да сюзюлгендиле.

Жыйылыуну ахырында  жашау журт-коммунал мюлкню ишинде кемчиликлени кетериуге бурулгъан эсгертиуле чыгъарылгъандыла.

Тикаланы Фатима хазырлагъанды.