Бгылъэ жылэхэм я Iуэху зыIутым зыщегъэгъуазэ

31 марта, 2023 - 06:33

Шэджэм щIыналъэм щыIащ икIи Шэджэм-2 - Булунгу гъуэгущIэм и ухуэ­ныгъэр здынэсар зригъэлъэгъуащ КъБР-м и Iэтащхьэ КIуэкIуэ Казбек.

Гъуэгур тезылъхьэхэм зэрыжаIамкIэ, иджыпсту зи ужь ит Iыхьэр и кIыхьагъкIэ зэрагъэпэщыжынущ. Абы щыщу километр 12,5-р 2022 гъэм зэфIагъэкIащ, километри 9-м иджырей уэздыгъэхэр фIа­дзащ. КъищынэмыщIауэ, метри 134- рэ  зи кIыхьакъ лъэмыжи 5-р зыхуей хуа­гъэзэжащ. Иджыпсту Хъущтэ-Сырт къы­­­щыщIэдзауэ Шэджэм псыкъелъэхэм нэс кIуэ гъуэгум йолэжь, ар километри 2 мэхъу. IэщIагъэлIхэм псы Iуфэхэр ягъэ­быдэ, гъуэгубгъухэр шынагъуэншэ ящI. А псори 2026 гъэм и кIэм нагъэсыну я мурадщ. Гъуэгур нэхъ бгъуэ хъунущ, псым гуимылъэсыкIын хуэдэу быдэу щыты­-нущ. 
Шэджэм псыкъелъэхэм щынэсым, республикэ Iэтащхьэр цIыхухэм ядэуэршэращ, ахэр щIыпIэ дахэм щыпсэухэм я дежкIи, хьэщIэхэм я дежкIи нэхъ тынш, шынагъуэншэ, Iэхуитлъэхуит зэрыхъунум тепсэлъыхьахэщ. 
АдэкIэ КIуэкIуэм зригъэлъэгъуащ Эльтюбю, Булунгу кIуэ гъуэгу километр 25-м я Iуэху зыIутыр, абы лэжьыгъэр мы махуэхэм щаублащи. 
Къэбэрдей-Балъкъэр Республикэм и бгылъэ жылэхэр къыщызэхикIухьым, ­КъБР-м и Iэтащхьэ КIуэкIуэ Казбек яхуэзащ Iуащхьэмахуэ районым щыIэ Гундэлэн къуажэдэсхэми. Ар гуапэу жы­лэдэсхэм ехъуэхъуащ Балъкъэр лъэп­къым и къэщIэрэщIэжыныгъэм и  ма­­хуэшхуэмкIэ икIи республикэм щып­­сэухэм къабгъэдэкIыу фIыгъуэ, зэIузэ­пэщыныгъэ, ефIэкIуэныгъэ яIэну къы­зы­хэщ псалъэ гуапэхэр яжриIащ.

  • 33 просмотра

Поделиться:

ЧИТАТЬ ТАКЖЕ:

22.03.2025 - 12:00

ЗыгъэпIейтейхэри мащIэкъым

Къэбэрдей-Балъкъэр Республикэм Наркотикхэм япэщIэтынымкIэ и комиссэм и зэIущIэ иригъэкIуэкIащ республикэм и Iэтащхьэ КIуэ­кIуэ Казбек.
22.03.2025 - 09:05

КъулыкъущIэхэр ягъэхьэзыр

ЩIалэгъуалэм я унэм иджыблагъэ лэжьэн щыщIидзащ «IэщIагъэлI ныбжьыщIэм и школ» зыфIаща еджапIэм. 
22.03.2025 - 09:05

КъуийцIыкIу Валерэ ягъэлъапIэ

Къэбэрдей-Балъкъэрым ЩэнхабзэмкIэ и фондым, Вэрокъуэ Владимир и цIэр зезыхьэм, щекIуэкIащ ГъуазджэхэмкIэ Кавказ Ищхъэрэ къэрал институтым и егъэджакIуэ, КъБР-м щIыхь зиIэ и артист, музыкант, усакIу
21.03.2025 - 10:13

ЛъэныкъуитIми я сэбэп хэлъу

Беларусь Республикэмрэ Къэбэрдей-Балъкъэр Республикэмрэ зэдэлэжьэным пыщIа Iуэхухэр зэкIэлъызыгъакIуэ гупым и зэIущIэ видеозэпыщIэныгъэ Iэмалым тету зэхэтащ.
21.03.2025 - 09:50

ГъащIэ кIыхьым и къежьапIэр

Ахэр фIыуи Iейуи къыщIэкIынкIэ ­мэхъу, ауэ нобэ зи гугъу тщIыр езы гъащIэм и кIыхьагъырщ. Мыр щытщ дэтхэнэ къэралми и щыIэкIэ-псэукIэр зы­хуэдэр къызэрапщ пщалъэхэм ящыщ зыуэ.