Аруан районым щекIуэкIащ картингымкIэ республикэпсо зэхьэзэхуэхэр. Ар фэеплъ хуащIащ Ику ит фронтым и I3-нэ армэм и 74-нэ фочгъауэ дивизэм и 360-нэ фочауэ полкым и лагъымыдз батареем и телефонист Совет Союзым и ЛIыхъужь Яхэгуауэ Михаил. 

Iуащхьэмахуэ куейм и пресс-IэнатIэм хъыбар къызэрыдигъэщIамкIэ, зэхьэзэхуэм хэтащ Къэбэрдей-Балъкъэрым и щIыналъэхэм, Осетие Ищхъэрэ-Аланием, Къэрэшей-Шэрджэсым, Дагъыстэным, Ростов областымрэ Ставрополь краймрэ къикIа картингистхэр. 
«Си гуапэщ Iуащхьэмахуэ щIыналъэм картингыр къызэрыщыщIэрэщIэжыр, техникэщIэхэмрэ абы зыщыхуагъэсэн щIыпIэхэмрэ диIэщ. Нобэрей зэхьэзэхуэм и хьэщIэ лъапIэу сыщыIэщ икIи фыкъызогъэблагъэ мы спорт лIэужьыгъуэмкIэ зэхьэзэхуэ зэIухауэ Iуащхьэмахуэ щIыналъэм гъатхэм щекIуэкIынум», - жиIащ зэпеуэхэр къыщызэIуахым къыщыпсэлъа куейм и Iэтащхьэ Залиханов Къанщобий. 
Iуащхьэмахуэ щIыналъэм икIа спортсменхэм ещанэ гуп увыпIэр яубыдащ. Абыхэм зыIэрагъэхьащ дыжьын медалу 2-рэ домбеякъыу 2-рэ. 
 

Мэзкуу Къан