Республиканы Спорт министерствосу билдиргеннге кёре, бу кюнледе Терк шахарда дзюдодан регионла аралы турнир ётгенди. Ол 2007-2009 жылда туугъан жашланы бла къызланы араларында бардырылгъанды. Ары Къабарты-Малкъардан, Ингушетиядан, РСО-Аланиядан бла Къыбыла Осетиядан 348-ден аслам спортчу къатышханды.
Бу турнирни эсеплерине кёре, республикабызны дзюдочулары жыйырма тогъуз майдал къытхандыла. Биринчи жерни Мызыланы Хажимуса, Милана Дзагалова, Идар Дударов, Мухаммад Молов, Ренат Жамухов алгъандыла.
«Кюмюшге» Уяналаны Аслан, Адисса Ахаминова, Андзор Дикинов, Идар Темроков, Тамерлан Таашев эм Тамерлан Кошеев тийишли болгъандыла.
Ючюнчю жерге уа Бачиланы Ахмат, Мисирланы Саид, Къудайланы Идар, Оракъланы Тамерлан, Бегийланы Даниял, Илана Кодзокова, Динара Хуштова, Луиза Тхазеплова, Камилла Дударова, Идар Кашукоев, Магомед Сокуров, Астемир Вадахов, Кантемир Хуранов, Адам Кедов, Инал Таов, Атмир Мамиев, Али Кодзов, Кантемир Канаметов чыкъгъандыла.
Спортчуланы Шауаланы Ханафий, Дмитрий Иванов, Анзор Апхудов, Беслан Дзуев, Залим Дзуев, Тимур Мирзов, Олег Махов, Марат Хумаров, Рустам Емкужев эм Олег Саральпов жарау этерге юйретедиле.
Додуланы Мадина.