«ГъуэгуфI шынагъуэншэхэр» лъэпкъ пэхуэщIэм хыхьэу Налшык къалэм и уэрамхэр зэпэщ щIыным ехьэлIауэ ирагъэкIуэкI лэжьыгъэхэм мы гъэми пащэнущ. Иджы абы хиубыдэнущ къалащхьэм и уэрамибл. Абыхэм тетщ къалэдэсхэм я дежкIэ социальнэ мыхьэнэ зезыхьэ IуэхущIапIэхэр - курыт еджапIэхэр, сабий садхэр, сымаджэщхэр, поликлиникэхэр, щэнхабзэм пыщIа IуэхущIапIэхэмрэ спорт ухуэныгъэхэмрэ, нэгъуэщIхэри.

Шэджэм Ищхъэрэ къуажэм щыпсэухэм я унэхэм псы къабзэ зэрекIуалIэ, километри 3,2-рэ зи кIыхьагъ бжьамийхэр мы махуэхэм зэрахъуэкI, иджырей мардэм кърагъэтIасэ.

Къэбэрдей-Балъкъэрым и щIыналъэхэм псоми зэхэту кIэртIофу къыщрахьэлIэжам и процент 50-р Дзэлыкъуэ щIыналъэм къылъос: нэгъабэ, зэкIэ къызэрабжамкIэ, тонн мин 77-рэ абы къыщатIыжащ.

Иужьрей илъэситхум кIэртIофым и бэвагъым къыхэхъуэ зэпыту екIуэкIащ икIи, а пIалъэм къриубыдэу, хуэдэ 1,8-кIэ абы хагъэхъуащ.

Къэбэрдей-Балъкъэрым Iэщ гъэхъун IэнатIэм зыщиужь зэпытщ. Псом хуэмыдэу нэхъыбэ хъуащ жэм къашу ягъэхъур - иужьрей илъэситхум шэуэ къашым процент 17-кIэ щыхэхъуащ ди деж. КъБР-м мэкъумэш хозяйствэмкIэ и министрым и къуэдзэ Шэт МэчрэIил ар иджыблагъэ щыжиIащ республикэм и Жылагъуэ палатэм щекIуэкIа зэIущIэм.

«Уафэ къабзэ» программэм ипкъ иткIэ Налшык къалэм щызэфIагъэкIащ Владикавказ къалэм хуэкIуэ дэкIыпIэм хыхьэ, метр 1200-рэ зи кIыхьагъ гъуэгу гъунэм Iут пкъохэм иджырей уэздыгъэхэр фIэдзэным хуэунэтIа лэжьыгъэхэр.

Адыгэхэмрэ абхъазхэмрэ къызытехъукIауэ зыхуагъэфащэ Хьэт къэралыгъуэр, дауи, зэуэ кIуэдыжакъым. ЯпэщIыкIэ ар Къэркъэмыш, ТэрхъунтIасэ, Мырэ жиIэу пащтыхьыгъуэ зыбжанэу щэщэжащ. Жыхапхъэр гъэлъалъи, зырызурэ зэпыщIыкI жыхуаIэрати, лъэпкъыр щыхупIэ щыщхьэщыувэм, нэхъри зэрыубыдыным ипIэкIэ, загуэшри, хьэтхэм я лъэр щIэхупащ.

КъБР-м и Iэтащхьэ КIуэкIуэ Казбек лэжьыгъэ IуэхукIэ Май щIыналъэм щыIащ. Абы зригъэлъэгъуащ Май къалэм ущыкIуэкIэ метр 90 и кIыхьагъыу Шэрэдж телъ лъэмыжыр зэры­зэрагъэ­пэщыжыр. А лэжьыгъэр «ГъуэгуфI шынагъуэн­шэхэр» лъэпкъ проектым хэту зы­хуей хуагъэзэжу аращ. Нэгъабэ фокIадэм щIадзауэ мы гъэ­ма­хуэм яухыну хуагъэфащэ.

Владикавказ къалэм и «Манеж» спорт уардэунэм иджыблагъэ щекIуэкIащ Урысейм бэнэкIэ хуитымкIэ пашэныгъэр къыщыхьным хуэунэтIа зэхьэзэхуэ. Абы щызэпеуащ къэралым и щIыналъэ 16-м я бэнакIуэу 300-м щIигъу, я ныбжькIэ илъэс 16-м щIимыгъуахэр.

КъБР-м СпортымкIэ и министерствэм и телеграм-каналым къызэритамкIэ, Налшык къалэм и «Каисса» шахматымкIэ уардэунэм иджыблагъэ щекIуэкIащ Къэбэрдей-Балъкъэрым щыщ цIыхубзхэм я 66-нэ чемпионатым и кIэух зэхьэзэхуэр. Абы щызэхуэзащ хъыджэбзих.

Урысей Федерацэм и Президент Путин Владимир лэжьыгъэ IуэхукIэ Ставрополь крайм щыIащ. Ар хуэзащ Урысейм и мэкъумэш ­IэнатIэр зезыхьэхэм икIи абы дяпэкIэ зэрызрагъэужьынум тепсэлъыхьащ.