КУРСАНТЛА ПОЛИЦИЯЧЫЛА БЛА ЖОЛГЪА ЧЫКЪГЪАНДЫЛАТырныауузну 6-чы номерли школуну кадет классыны курсантлары жолда жюрюуню къоркъуусузлугъуну инспекторларыны къуллукъларын сынап кёргендиле. «ГИБДД-ны инспекторуну жашауундан бир кюн» акцияны чеклеринде школчула полициячыла бла бирге машиналаны тохтатхандыла, аланы водительлери бла жолда жюрюуню къоркъуусузлугъуну жорукъларыны юслеринден ушакъла бардыргъандыла. - Къыш кюн къысхады, окъуудан кече къайтыргъа тюшеди бизге. Аны ючюн а водительле бютюнда сакъ болургъа, жолдан жаяу ётерге эркин этилген жерлеге жетгенде тынч барыргъа керекдиле,-дегендиле кадетле. Жаш адамла «Водитель, ашыкъма, сен да ата-анаса» деген чакъырыу да этгендиле. «Машинада сабий болгъанда, аны къоркъуусузлугун жалчытыргъа, жолда жюрюуню жорукъларын ангылатыргъа керекдиле. Таматала бизге, ёсюп келген тёлюге, юлгю болгъанларын унутмасынла»,-дегендиле школчула.
Басмагъа Тикаланы Фатима хазырлагъанды.
Поделиться: ЧИТАТЬ ТАКЖЕ:
|