«ЭЛБРУС» - АЛЧЫРосгвардияны КъМР-де Управлениясында офицерлени арасында троеборьеден эришиуледе алчыла ачыкъланнгандыла. Аскерчиле жыл санларына кёре юч къауумгъа юлешинип эришгендиле. Алагъа Макаров керохдан илишаннга атаргъа, сууда сюзерге, 3 километр чабаргъа тюшгенди. Бу жол СОБР-ны «Элбрус» отряды алчы болгъанды, экинчи жерге ОМОН-ну «Вершина» отряды чыкъгъанды, ведомстводан тышында къалаурла ючюнчюле болгъандыла. -Быллай жумушла бизге кючюбюзню ачыкълап, аскерчи борчларыбызны бийик даражада толтурургъа болушадыла. Эришиулеге къатышханла уа хорламгъа итиниулюклерин кёргюзтгендиле,- дегенди Управленияны физкультура эм спорт жаны бла бёлюмюню башчысы Аскер Нагоев.
Тикаланы Фатима хазырлагъанды.
Поделиться: ЧИТАТЬ ТАКЖЕ:
|