«Россети Шимал Кавказ» компания бизни республикада «Прохладная-1» подстанциягъа тынгылы ремонт этип бошагъанды. Аны бла энди токъсандан артыкъ социал объектни эмда жюз минг инсанны электрокюч бла жалчытыу бютюнда ышаннгылы болгъанды, деп билдиргендиле предприятияны Къабарты-Малкъарда бёлюмюнден.

Прохладна районда къадар жашау журтланы эмда социал объектлени болумлары бу подстанция къалай ишлегенине кёре болады. Аны эсге алып, «Каббалкэнергону» специалистлери энергообъектни хар несине да тынгылы къарагъандыла. Ала анда ток ызланы эмда чыпынланы алышындыргъандыла, кёп тюрлю оборудованиясын, аппаратурасын да жангыртхандыла. Этилген ишни хайырындан электросетьде чурумланы саны азайырыкъды, ток бла жалчытыу а бютюнда иги боллукъду, деп чертгендиле компанияда.

Улбашланы Мурат.