Налшык дэт Музыкэ теат­рым иджыблагъэ ще­кIуэкIащ «Къэбэр­дей-Балъ­­къэрым и тхьэ­Iу­худ-2021» зэпеуэм и кIэух Iыхьэр.

Мыгъэрей зэпеуэр ­къы­­­зэ­рагъэпэщащ Гъу­аз­джэхэмкIэ  Кав­­каз ­Ищхъэрэ  ­  институтыр къэзыу­ха­гъа­щIэ ­режиссёрхэу Жад        ФатIимэрэ Ов­диенкэ        Юлиерэ. Хъыджэбзхэр зэ­­­рыщIалэ дыдэм емы­лъы­тауэ, я зэфIэкIымкIэ рес­публикэм къыщацIы­хуащ. Иджыри абыхэм я дзыхь езыгъэзахэр ягъэщIэхъуа­къым. Къыхэгъэщыпхъэщ зи гугъу тщIы сабий Iуэху         дахэр «9 волна» кана-        лымкIэ къызэратар. 
Я теплъэкIэ зэкIужрэ ­гуа­кIуэу пщащэ 12 утыку кърашат а пщыхьэщхьэм. Зэрыхабзэщи, хъыджэбзхэм я зэфIэкI, творческэ къэухь, акъыл жанагъ ягъэлъэгъуащ.
«Къэбэрдей-Балъкъэрым и тхьэIухуд-2021» цIэ лъапIэр илъэс 18-м ит Афэшокъуэ Миланэ хуагъэфэщащ. Япэ вице-мисс хъуар Тен Даянэщ, етIуанэр Батыр Лиещ.
Зэпеуэм пашэ щыхъу­нымкIэ  Афэшокъуэм сэ­бэп къыхуэхъуауэ къелъы­тэ пэжым и телъхьэу сыт щыгъуи зэрыщытыр, мурад ищIам ерыщу дапщэщи зэрыхуэкIуэр.
Миланэ зэрысабийрэ уэрэджыIакIуэ хъуныр, утыку итыныр и хъуэпсапIэу къэтэджащ. Курыт еджапIэм щыщIэсым, абы къыщызэрагъэпэщ Iуэ­хухэм жыджэру хэтт, иригъэкIуэкIырт. ГъуазджэхэмкIэ сабий школ №1-м и «Театр гъуазджэ», «Уэрэд жыIэн» унэтIыныгъэхэр ­къиухащ.
Мы зэманкIэ хъыджэбзыр пщащэгъэдахэ (визажист) IэщIагъэм ирола-жьэ. Абы и хъуэпсапIэ нэхъыщхьэхэм  ящыщщ  езым и студие къызэIуихыу пщащэ нэхъыбэ игъэщIэрэщIэну, нэхъ насыпыфIэ ищIыну.
Инэрокъуэ Данэ.