Тырныауузну «Бахсан» спорт-саулукъландырыу комплексинде, айтхылыкъ жырчы, Къабарты-Малкъарны бла Къарачай Черкесни халкъ жырчысы Отарланы Омаргъа жораланып, бильярддан эришиуле ётгендиле. Алагъа иги кесек спортчу къатышханды. Аланы барысын да Таукенланы Мурат озгъанды. Экинчи жерге Чомартланы Магомет чыкъгъанды, Заур Кантлоков а ючюнчю болгъанды.

Турнирде алчы жерлеге чыкъгъанла кубокла, эсде къаллыкъ майдалла, ахча бла да саугъаланнгандыла. Аланы Элбрус районну физкультура эмда спорт комитетини таматасы Жаппуланы Магомет бла жер-жерли самоуправленияны район советини депутаты, тукъумну келечиси Отарланы Исмайыл бергендиле.

Анатолий ТАЛАЕВ.