Кёп болмай Грозный шахарда аскер къол тюйюшден «Динамо» обществону Ара советини чемпионаты ётгенди. Ол энчи эмда команда зачётдан баргъанды. Анда кючлерин сынагъанла 200-ге жете эдиле. РФ-ни КъМР-де Ич ишле министерствосуну пресс-службасы билдиргеннге кёре, эришиулеге бизни жерлешлерибиз да къатышхандыла. Алай бла, къаты сермешледен сора, Къабарты-Малкъарны келечилери команда зачётда 2-чи жерни алгъандыла.
Энчи биринчиликни юсюнден айтханда да, бизни жашла саугъалы жерлеге чыкъгъандыла. 90 килограммгъа дери ауурлукълары болгъанланы къауумунда полицияны «Бахсан» патруль-пост службасыны къуллукъчусу Астемир Мишхожев «кюмюш» къытханды. «Доммакълагъа» уа кеси ауурлукъларында Альберт Тлукошаев, Астемир Балов, Зашаланы Шамиль, Башийланы Альберт, Бёзюланы Астемир эм Аслангерий Таашев тийишли болгъандыла.
Полициячыланы эришиулеге РФ-ни КъМР-де Ич ишле министерствосуну энчи къауумун хазырлау жаны бла бёлюмюню таматасы Азамат Канукоев эм «Гром» ОСН-ны оперуполномоченныйи полицияны тамата лейтенанты Мурат Шогенов хазырлагъандыла.
таппасханланы Аминат.