КъБР-м и Iэтащхьэр «КАМАЗ-мастер» командэм хэтхэм ехъуэхъуащ ахэр «Дакар» къызэдэжэм зэрыщытекIуамкIэКъэбэрдей-Балъкъэрым и Iэтащхьэ КIуэкIуэ Казбек «Instagram»-м щиIэ напэкIуэцIым щехъуэхъуащ «КАМАЗ-мастер» гупым хэтхэм, абыхэм я унафэщI Чагин Владимир сымэ, Сауд Хьэрыпым щекIуэкIа «Дакар» къызэдэжэм къыщахьа текIуэныгъэм папщIэ. «А ехъулIэныгъэм Къэбэрдей-Балъкъэрми хэлъхьэныгъэ мыин зэрыхуищIар зыхэпщIэну икъукIэ гуапэщ!» - къыхигъэщащ абы. Нэхъ пасэIуэу, къызэдэжэм и 11-нэ Iыхьэм щытекIуа Шибалов Антон зэхьэзэхуэм щытепсэлъыхьыжым жиIауэ щытащ зэпеуэр щекIуэкI щIыпIэр Къэбэрдей-Балъкъэрым и щIыналъэм ейм зэрещхьыр, апхуэдэ дыдэ теплъэ дахащэхэр зэралъэгъуар. «Мыбы дзакIэ жан зиIэ мывэшхуэ дыдэхэр, псыхъуэхэр, хуейхэр щыкуэдщ, пшахъуэхэр щызэтрихьэ щIыпIэхэр иIэщ. Пшахъуэ Iуащхьэхэр гъэщIэгъуэнщ, лъагэхэщ, щыхупIэхэр иIэщ. Ди хэкум - Къэбэрдей-Балъкъэрым и теплъэхэр уигу къагъэкI. Псэр щогуфIыкI щхъуантIагъэм. Апхуэдэ щIыпIэхэм ущыблэкIкIэ Къэбэрдей-Балъкъэрым къыщыбжыхь фIэкIа пщIэркъым. ИкъукIэ си гуапэщ илъэс кIуам а щIыналъэм дызэрыщыIар, сэбэп къытхуэхъуащ абы зэрызыщыдгъэсар. Зэрыщыту къапщтэмэ, хъарзынэу дыкъызекIуащ».
Поделиться: ЧИТАТЬ ТАКЖЕ:
|