|
|
«Iулъхьэ стыркъым! Iулъхьэ къеIысхыркъым!»
8 декабря, 2020 - 06:45
Апхуэдэ фIэщыгъэм щIэт зэIущIэхэр ди республикэм хыхьэ щIыналъэхэм мы махуэхэм щрагъэкIуэкI ГИБДД-м и инспекторхэмрэ Къэбэрдей-Балъкъэрым и щIалэгъуалэ зэщIэхъееныгъэм жыджэру хэтхэмрэ. Ар ирагъэхьэлIэ Iулъхьэ тын-къеIыхыным пэщIэтыным и дунейпсо махуэм.
Апхуэдэ Iуэхугъуэ купщIафIэхэр къыщызэрагъэпэщащ Тэрч щIыналъэм. ГИБДД-м и инспекторхэм щIыпIэм щыпсэухэр къыхураджащ Iулъхьэ ямытыну икIи къыIамыхыну. Апхуэдэ щIэпхъаджагъэ зылэжьым яхь хабзэ тезырми нэхъ гъунэгъуу цIыхухэр щыгъуазэ хуащIащ: ар Урысей Федерацэм и УК-м и 291-нэ статьям къыщыгъэлъэгъуащ. Абы ипкъ иткIэ Iулъхьэ зытам (къеIызыхам) къуэды тралъхьэ, сом мин 500 хъууэ е а къуаншагъэр зылэжьам зы илъэсым къриубыдэу къилэжь хабзэ и улахуэр яубыд. Апхуэдэу ирагъэпшын хабзэщ Iулъхьэу къыIихам хуэдитхум къыщыщIэдзауэ хуэдэ щэщIым нэс ахъшэ бжыгъэр. ЯгъэтIысынкIи хъунущ, илъэситIым нэс тралъхьэу. Iуэхум хэлъ нэгъуэщI щхьэхуэныгъэхэми щыгъуазэ хуащIащ ахэр.
Полицейхэм цIыхухэм хуагуэшащ тхылъ цIыкIухэр, Iулъхьэ тын-къеIыхыным епха хъыбар гуэрхэр ящIэмэ, зыхуэфащэ IэнатIэхэм абы тет телефон номерымкIэ хъыбар ирагъэщIэн папщIэ.
КъинэмыщIауэ, ГИБДД-м и IэщIагъэлIхэм къыхалъхьа Iуэхугъуэхэм ящыщщ Iулъхьэ тын-къеIыхыныр ди къэралым щызекIуэ хабзэхэр къызэпызыуд Iуэхугъуэхэм зэращыщыр зэрыт тхылъымпIэхэр я автомашинэхэм кIэрагъэуэныр. КIэрыбгъапщIэ хъу апхуэдэ хьэпшып цIыкIухэри инспекторхэм ягуэшащ.
Фигу къэдгъэкIыжынщи, Iулъхьэ тын-къеIыхыным пэщIэтыным и дунейпсо махуэр (International Day Against Corruption) илъэсым и махуэгъэпсым къыхагъэбелджылыкI, Лъэпкъ Зэкъуэтхэм я Зэгухьэныгъэм (ООН) къыхилъхьа жэрдэмым ипкъ иткIэ. Ар зэрагъэуврэ мы гъэм илъэс 17 мэхъу. 2003 гъэм и дыгъэгъазэм и 9-м ООН-м и Ассамблее Нэхъыщхьэм къищтауэ щытащ Iулъхьэ тын-къеIыхынымкIэ Конвенцэр. Ди къэралым и унафэщIхэр ящыщщ мыхьэнэшхуэ зиIэ а дэфтэрым япэу Iэ щIэзыдзахэм. Абы теухуа федеральнэ хабзэ УФ-м къыщащтащ иужькIэ.
 |
05.05.2024 - 09:03 Май щIыналъэм гъатхэ губгъуэ лэжьыгъэхэм щоужьэрэкI, -къитащ иджыблагъэ щIыпIэ администрацэм мэкъумэш-промышленнэ комплексымкIэ и управленэм. |
 |
04.05.2024 - 09:03 УФ-м и еджакIуэхэм художественнэ гимнастикэмкIэ я урысейпсо спартакиадэм и 2-нэ Iыхьэр иджыблагъэ Астрэхъан къалэм щекIуэкIащ. |
 |
04.05.2024 - 09:03 Космонавтикэм и махуэм и щIыхькIэ Минводы къалэм футболымкIэ зэхьэзэхуэ иджыблагъэ щрагъэкIуэкIащ. |
 |
03.05.2024 - 09:15 ЗыгъэпсэхуакIуэхэр Къэбэрдей-Балъкъэрым къокIуэ и гуэл щхъуантIэхэр, псыкъелъэ цIэрыIуэхэр зрагъэлъагъуну, аузхэм къыщакIухьыну, псы хущхъуэ ирафыну, Iуащхьэмахуэ Iуплъэну, дэкIыну.
|
 |
03.05.2024 - 09:13 Мэлыжьыхьым и 18 - 19-хэм Урысей МВД-м и Краснодар университетым и Ставрополь къудамэм щекIуэкIащ Урысей МВД-м и щIыналъэ органхэм балигъ мыхъуахэм я IуэхухэмкIэ я IэнатIэхэмрэ хабзэм ебэкъуа балиг |
|
