«Шу хасэм» и зи чэзу зэхуэс екIуэкIащ

23 ноября, 2020 - 06:39

Шы Iуэхум епхауэ иужьрей зэманым лэжьыгъэ щхьэпэ куэд республикэми абы и щIыбкIи зэрыщекIуэкIыр ди нэгум щIокI. Псом ­нэхърэ нэхъыщхьэр а жэрдэмхэр щIыпIэ-щIыпIэкIэ щызэбгрыдза лъэпкъыр зэрыубыдыжынымкIэ, адыгэшым и пщIэм къэралми дунейми зыщиубгъунымкIэ зэ­рыщ­хьэ­пэрщ.
ХыIуфэIус Шапсыгъым ит Лазаревскэ къуажэм щэкIуэгъуэм и ­14-м щызэхэтащ щIыналъэ зыбжанэ къызэщIэзыубыдэ «Шу хасэ» зэгухьэныгъэм и зэхуэс. ЗэIущIэр хыIуфэIус шапсыгъхэм я «Адыгэ Хасэм» и хэщIапIэм ДАХ-м и вице-президент КIэкIыхъу Мажид и нэIэ щIэту щекIуэкIащ.
«Шу хасэм» и лэжьыгъэм хэтащ Адыгейм, КъБР-м, КъШР-м, хыIуфэIус шапсыгъхэм (Краснодар крайм) къикIа лIыкIуэхэр. Абы къыщащта унафэхэр епхат гъэ блэкIам зэфIаха лэжьыгъэхэм, илъэсыщIэ зытехьэнум зыхуагъэувыж мурадхэм, щIэуэ «Шу хасэм» хагъэхьэхэм, ­къинэмыщIхэм.
ЩэкIуэгъуэм и 21 - 22 махуэхэм ­КъБР-м щекIуэкIынущ Нартан и Iэ­гъуэблагъэм ит «Гуэрэн» шы зехуа­пIэм УФ-м Шы спортымкIэ и феде­рацэмрэ Адыгэшыр хъумэным-кIэ фондымрэ къыщызэрагъэпэщ, дунейпсо, урысейпсо мыхьэнэ зиIэ шыгъажэ кIыхьхэмкIэ зэхьэзэхуэ.

Чэрим Марианнэ.
  • 18 просмотров

Поделиться:

ЧИТАТЬ ТАКЖЕ:

06.05.2024 - 12:35

МУЗЕЙМ И НАКЪЫГЪЭ ГЪЭЛЪЭГЪУЭНЫГЪЭХЭР

КъБР-м и Лъэпкъ музейм и пэшхэм зэуэ выставкэ зыбжанэ щагъэлъагъуэ: «Монументаль­ный Нальчик», «Музыка танца», аэроклубыр Налшык къы­зэ­рыщызэIуахрэ илъэс 90 зэ­ры­рикъум теухуар. 
06.05.2024 - 09:25

ЦIЫКIУХЭМ НЫПЫР ЯФIЭДАХЭЩ

Налшык сабий сад №49-м и гъэсэн цIыкIухэм адыгэ ныпыр ирагъэцIыхуащ. Абы теухуа пшыхь гъэщIэгъуэн иригъэкIуэ­кIащ IуэхущIапIэм и лэжьакIуэ, сабийхэр адыгэбзэм хуезы­гъаджэ Жэрыщты Аринэ.
06.05.2024 - 09:25

ГЪУАЗДЖЭМ И ХЭЩIАПIЭ

«Гардарика - Кавказ» арт-фестивалыр КъБР-м и Лъэпкъ музейм къыщызэIуахащ.
06.05.2024 - 08:10

УРЫСЕЙМ И ЧЕМПИОН ШЭРИЙ ИНАЛБЭЧ

Мэзкуу областым хыхьэ Сколково щIэныгъэ къалэм къикIыу хъыбар гуапэ иджыблагъэ къытIэрыхьащ. Мы махуэхэм абы и «Live Арена» спорткомплексым щекIуэкIащ Урысейм бэнэкIэ хуитымкIэ и чемпионат.
05.05.2024 - 13:17

ЕГЪЭДЖЭНЫГЪЭМ И МАРДЭЩIЭХЭМ ХУОКIУЭ

Ди республикэм лэжьыгъэ IуэхукIэ дыгъуасэ къэкIуащ УФ-м егъэджэныгъэмкIэ и министр Кравцов Сергей.