Османланы Жамалны жашы Алим Герпегежде жашайды. Элде орта школдан сора Нальчикде къурулуш техникумда окъугъанды, ызы бла университетни къурулуш факультетин да тауусханды. Бюгюнлюкде уа Къарачай шахарда университетни тарых факультетини ахыргъы курсун бошап, диплом ишин къоруулайды.
Жаш къурулуш бла кюрешеди, бир талай заманны мастер-прораб болуп да уруннганды. Бош заманында уа агъачдан тюрлю-тюрлю суратла ишлейди. Жёге, жерк, нарат неда чынар терекледен ариу жонулгъан къангала алып, аланы юслеринде карандаш бла сурат ишлейди, ызы бла гитче бичакъчыкъла бла жонады. Этген затларына устала, художникле да бийик багъа бередиле, жаратадыла.