КъМР-ни Башчысы Казбек Коков Москва областьда ёлгенлени юйюрлерине къайгъы сёз бергенди, анда уллу бушуу болгъанды-«Крокус Сити» концерт залгъа чабыуууллукъ этилгенини хатасындан онла бла адамла ёлгендиле эм жюзден аслам жаралы болгъанды.

 «Къабарты-Малкъарда жашагъанла бу бушуулу ишге болмагъанча жарсыгъандыла эмда аланы битеу сагъышлары ол аманлыкъчыланы -мурдарланы хаталарандан ачыгъанла бла биргедиле. Биз ол жууукъ адамларын тас этгенлени бушууларына эм къайгъыларына жарсыйбыз. Къабарты-Малкъарда жашагъанланы эмда кесими атымдан ёлгенлени юйюрлерине къайгъы сёз береме. Жаралы болгъанлагъа саулукъ тежейме», -деп айтылады республиканы оноучусуну къайгъы сёзюнде.