Ингуш Республикэм и Конституцэмрэ Лъэпкъ зэхуэсымрэ (Парламентымрэ) илъэс 30 щрикъу махуэр ягъэлъапIэу иджыблагъэ Назрань къалэм щызэхашащ самбэмкIэ урысейпсо зэхьэзэхуэ зэIуха. Абы кърихьэлIащ Ипщэ, Кавказ Ищхъэрэ федеральнэ округхэм, Донецк Лъэпкъ республикэм я спортсмени 160-м щIигъу, илъэс 13 – 14 ныбжьхэм иту.

Зэхьэзэхуэм кърикIуахэр зэхалъхьэжа нэужь Къэбэрдей-Балъкъэрым и бэнакIуэхэм медалитху къратащ. Я хьэлъагъ елъытауэ зыхэта гупхэм япэ увыпIэхэр къыщахьащ Къумыкъу Ренат (кг 35-рэ), Ташу Рэмэзан (кг 38-рэ), Къудей Беслъэн (кг 50), Дэжыг Кемран (кг 59-рэ).
Дыжьын медаль зэпеуэм щызыIэригъэхьащ Бырхьэм Имран (кг 50).
ЩIалэхэм я тренерхэр ПшынащIэ Муратрэ Къарэмышэ СулътIанрэ.

ХЬЭЩОКЪУЭ Руслан.