Къабарты-Малкъарны алты консерва заводу да   толу кюч бла ишлейдиле. Бусагъатда ала жашил къудоруну  жарашдырып -  мияладан бла темирден консервала чыгъарып кюрешедиле. Оператив билдириулеге кёре,  бюгюнлюкде 40 миллон банка чыгъарылгъанды.   

Аны бла бирге нашадан да 3 миллион банка консерва этилгенди.  Бусагъатда нашаны жарашдырыу бла жаланда бир предприятие кюрешеди. Жууукъ заманда жашил къудоруну  бошагъанларындан сора башхала да  къошуллукъдула.  

Тахта кёгетчиликни юсюнден айтханда, сугъарылмагъан жерледен уллу файда алырча тюйюлдю. Бютюнда промышленный  халда кюрешгенле аны къайгъысын этмеселе, качестволу эм бай  тирлик алаллыкъ тюйюлдюле. Ол себепден консерва заводла  кёбюсю тамычы эм жауун халда сугъарылгъан амалланы хайырланадыла. Саулай алып айтханда, бусагъатда тахта кёгетле ёсдюрюлген мюлкледе, неда 2,5 минг гектарда тамычы халда сугъарылырча системала хайырланыладыла. Ол  тахта кёгетчиликге бёлюннген жерлени жаланда  15 процентиди.