РОБОТЫМ ОПЕРАЦЭ ЕЩI

Лышх узыфэхэр джынымкIэ Урысей Федерацэм и лъэпкъ медицинэ IуэхущIапIэм робот-хирург иIэщ, операцэ иригъэкIуэкIыу. Техникэм и иужьрей ехъулIэныгъэу а Iэмэпсымэ телъыджэр «Узыншагъэр хъумэн» лъэпкъ проектым ипкъ иткIэ къищэхуащ Ростов къалэм дэт онкоцентрым. Ар холэжьыхьыф цIыхухъу, цIыхубз узыфэхэмкIэ ирагъэкIуэкI операцэхэм, къищынэмыщIауэ, хуэIэзэщ тхьэмбыл, кIуэцI узхэм.

- Операцэ щедгъэкIуэкIкIэ робот-дэIэпыкъуэгъу «къызэрытхуагъэкIуэнум» куэд щIауэ дыхуэхьэзырт. Ростов онкоцентрыр зыхуей щыхуагъазэм ар къалъытэри, операцэ щедгъэкIуэкI пэшхэр нэхъ Iэхуитлъэхуит тхуащIат, роботыр къызэрагъэсэбэпыну хирург гупиплIрэ абыхэм ядэIэпыкъу медсестра гупрэ еджапIэ дгъэкIуат. Медицинэр и пIэ иткъым. КIэщIу жыпIэмэ, лышхым пэщIэтынымкIэ, абы текIуэнымкIэ иджыри зы лъэбакъуэ тчауэ жыпIэ хъунущ, - жеIэ лышх узыфэхэр джынымкIэ Урысей Федерацэм и лъэпкъ медицинэ IуэхущIапIэм и унафэщI, профессор, академик Кит Олег.

Ростов онкоцентрым а IэмалыщIэр щагъэунэхуакIэщ: роботыр дэIэпыкъуэгъу ящIри, илъэс 73-рэ хъу цIыхухъум простатэктомие (лышхым иубыда простатэр кърахащ) операцэ хуащIащ. ЗыщIар уролог Iэзэхэу Шевченкэ Алексейрэ Хван Викторрэщ.

- Мыпхуэдэ операцэхэр пхуегъэкIуэкIынущ ныбэр зэгуэбгъэжуи, лапароскопиекIи, робот-хирургкIи. Сымаджэщыр къызэрызэгъэпэща Iэмэпсымэхэрщ псори зэлъытэжар. Сэ а псори згъэунэхуащ икIи, сызэригугъэмкIэ, робот здагъэIэпыкъуурэ ирагъэкIуэкI операцэр нэхъ пэжщ, нэхъыфIщ. Сыту жыпIэмэ, мы Iэмалым кIуэцIфэцIыр нэхъ хуиту уегъэлъагъу, щыуагъэ хэмыту, сэр лейуэ сысынущ жыпIэу умыгузавэу, уоIэбэ, лышх шыкъырыр къыхыбогъэжыкIыф, е екIуэжкъым. Абы къыдэкIуэу, сымаджэр псынщIэу къызэфIоувэж, операцэр къехьэлъэкIыркъыми, - къыхигъэщащ Шевченкэм.

Гу лъытапхъэщи, ныбэм гъуанэ зытIущ фIэкIа хуамыщIу роботым операцэр ирегъэкIуэкIыф. Абы и пэм видеокамерэ пылъщи, ныбэм пкъыгъуэу илъыр хуиту уегъэлъагъу, уэздыгъэ игъаблэурэ кIуэцIыр къегъэнэху. А гъуанэхэмкIэ зыхуеину Iэмэпсымэхэр кIуэцIым ирагъэувэри, хирургым операцэр джойстиккIэ (Iэгуэм ихуэ Iэмэпсымэ, сымаджэм бгъэдэмыхьэу, абы и кIуэцIым ирагъэува Iэмэпсымэхэр зригъакIуэу) ирегъэкIуэкI. Апхуэдэ щIыкIэкIэ ящIа япэ операцэр хъарзынэу зэфIэкIащ, сымаджэр щIатхыкIыжыну ягъэхьэзыр.

Фырэ Анфисэ.

Поделиться:

ЧИТАТЬ ТАКЖЕ:

10.11.2026 - 09:09

Илъэсищэ зи ныбжь Джэрмэншык

Къэбэрдей-Балъкъэрым  и Аруан районым хыхьэ Джэрмэншык къуажэм иджы­благъэ гуфIэгъуэ зэ­хы­хьэ щекIуэкIащ. Ар теу­хуат а жылэр къызэрызэ­рагъэпэщрэ илъэсищэ зэрырикъум. 

10.11.2026 - 09:06

Мыгувэу къызэIуахынущ

КъБР-м и Iэтащхьэ КIуэкIуэ Казбек зригъэлъэгъуащ Лышх узы­фэхэр зыпкърытхэм щеIэзэ диспансерыщIэм ухуэныгъэхэр зэрыщекIуэкIыр. Лэжьыгъэр и кIэм ноблагъэ.

10.11.2026 - 09:03

Лъэпкъхэм я зэкъуэтыныгъэм и щIыхькIэ

Налшык Кулиевым и цIэр зезыхьэ и уэрамым тет модельнэ библиотекэм Урысейм ис лъэпкъхэм я зэкъуэтыныгъэм и махуэм теухуа «Пирог на четвёртое» Iуэхур щрагъэкIуэкIащ.

10.11.2026 - 09:03

Гъуэгухэр зытетыпхъэ мардэм нагъэс

КъБР-м и Iэтащхьэ КIуэкIуэ Казбек лэжьыгъэ IуэхукIэ ­хуэзащ «Кавказ» ГъуэгухэмкIэ управленэм и унафэщI ­Лукашук Александр. 

09.11.2026 - 15:59

ЦIыху мелуанитIым щIигъум зыщагъэпсэхуащ ди щIыналъэм

Къэбэрдей-Балъкъэр Республикэм туриз­мэм и иджырей щытыкIэмрэ абы дяпэкIэ зэрызиужьынумрэ щытепсэлъыхьащ КъБР-м и Парламентым ЭкономикэмкIэ, зыужьыныгъэмкIэ, туризмэмрэ хьэрычэт IуэхумкIэ и ­комите