Кёп болмай КъМР-ни саулукъ сакълау министри Рустам Калибатов «Саулукъ сакълау» миллет проектге кёре   Нальчикни 2—чи номерли поликлиникасында   тынгылы ремонт   ишле къалай баргъанлары бла шагъырейленнгенди.

Бюгюнлюкде подряд организация жангыртыу ишлени башларча жумушланы тамамлап кюрешеди. Аны чеклеринде мекямны ичи, тышы да  бюгюннгю излемлеге келиширча боллукъдула. Ол санда инженер коммуникациялары, ток  чыбыкълары, жылытхан системасы да  жангыртыллыкъдыла эм арбазы омакъ болуруна  эс буруллукъду.

Бусагъатда поликлиника 18 минг адамгъа къарайды. Кеслерине кюндюз бакъдырыргъа сюйгенле да кёп бардыла. Алагъа деп мекямны  экинчи къатысында  бёлюм къураллыкъды. Аны бла бирге келгенле,  бир бирлерине чырмамазча эм къыйналмазча  мадар да  этилликди.