РФ-ни Экономиканы айнытыу министерствосу, Россей Федерацияны Правительствосунда Аналитика ара бла бирге бу кюнледе семинар бардыргъандыла. Анда Шимал - Кавказ федерал округга кирген субъектледе баш магъаналы проектлени  быйыл биринчи кварталда тамамланнганларын сюзгендиле. Семинаргъа видеогъа чыгъып КъМР-ни экономиканы айнытыу министри Рахайланы Борис эм аны орунбасары – проект ишлени департаментини башчысы Хусен Тимижев къатышхандыла.

Къабарты-Малкъарда 2030 жылгъа дери беш быллай проект бардырылыргъа керекди. Ол санда Тырныауузда магъадан чыкъгъан жерни ишин жангыдан къурау, Чегемде теплица комплекс, Нальчикде «Мэй» эмда «Восточный» микрорайонланы къурулушу, «Эльбрус» туризм-рекреация комплексни эмда IT бёлюмню айнытыу. Аланы барыны да багъасы 160756,5 миллион сомду. Бу проектлени чеклеринде беш минг ишчи жер къураллыкъды.

Улбашланы Мурат.