ЩIыналъэ зэпеуэм щытекIуахэр

28 мая, 2023 - 06:03

Къэрал кIуэцI IуэхухэмкIэ министерствэу КъБР-м щыIэм щагъэ­лъэпIащ сабий творчествэмкIэ «Полицейский дядя Стёпа» урысейпсо зэпеуэм и республикэ Iыхьэм щытекIуахэмрэ къыхэжаныкIахэмрэ. 

Къэрал кIуэцI IуэхухэмкIэ министру КъБР-м щыIэ, полицэм и генерал-лейтенант Павлов Василийрэ МВД-м дэлажьэ Жылагъуэ советым и тхьэмадэ Мэкъушэ Русланрэ зэпеуэм ­щытекIуахэмрэ абы и лауреатхэмрэ иратащ министерствэм и щIыхь тхылъхэмрэ гукъинэж ящыхъуну саугъэтхэмрэ.
Павлов Василий ныбжьыщIэхэм ­ехъуэхъуащ я текIуэныгъэмкIэ икIи къыхигъэщащ мыпхуэдэ Iуэхухэр егъэ­кIуэкIыныр къытщIэхъуэ щIэблэр цIыху нэсрэ щэныфIэу, хэкупсэу гъэсэнымкIэ сэбэп зэрыхъур.
- Сабийхэм я IэдакъэщIэкIхэм къыхощ абыхэм ящыщ дэтхэнэми полицэр и лэжьакIуэм сыт щыгъуи къыдэIэ­пыкъуну хьэзыр цIыхуу къызэралъы­тэр. Къыхэгъэщыпхъэщ мы зэпеуэм фы­хэткIэрэ, ныбжьыщIэхэм фи зэчиймрэ IэпщIэлъапщIагъэмрэ къызэрывгъэлъэгъуар. Си фIэщ мэхъу нобэ ­утыку къифхьа фи творческэ жыджэ­рагъыр гъащIэм увыпIэ тэмэм щы­ви­Iэным зэрыхуэкIуэнур. Дэтхэнэми ехъу­лIэныгъэхэр фиIэну си гуапэщ! Сыт щыгъуи зэIухарэ зэчиифIэу фыщыт!
Щхьэхуэу псалъэ гуапэхэр зыхужа­Iа ныбжьыщIэхэм я адэ-анэхэм министерствэм и унафэщIхэм фIыщIэ ­хуащIащ сабийхэм ябгъэдэлъ зэфIэ­кIыр къагъэлъэгъуэнымкIэ Iэмалрэ хэкIыпIэрэ зэрыратым папщIэ. 
Дыгулыбгъу  Жантинэ.

  • 24 просмотра

Поделиться:

ЧИТАТЬ ТАКЖЕ:

13.04.2026 - 09:01

Гъуэгу захуэ тету къежьахэт...

2026 гъэм мазаем и 1-м щегъэжьауэ Урысейм щагъэлъагъуэ ВГТРК-м (Россия-1) и ­журналист Медведев Андрей къыдигъэкIа «Предательство» документальнэ фильмыр.
13.04.2026 - 09:00

Кхъэр ягъэкъабзэ

IутIыж махуэшхуэм и пэ къихуэу Къэбэрдей-Балъкъэрым гулъытэ хэха щыхуащI кхъэхэм кIэлъыплъыным. ЦIыхухэр зэрылъэIуам къыхэкIыу, Прохладнэм дэт кхъэжьым и щытыкIэр къапщытащ къулыкъущIэхэм.
12.04.2026 - 12:25

«Iуащхьэмахуэ и щыгу щагъэзащIэ къафэхэр»

КъБР-м и Музыкэ Къэрал театрым мэлыжьыхьым и 9-м къыщызэIуахащ «Iуащхьэма­хуэ и щыгу щагъэзащIэ къа­фэхэр» лъэпкъхэм зэдай Iуэ­рыIуатэ фестивалыр. 
11.04.2026 - 15:02

Парламент зэдэлэжьэныгъэм зрагъэужь

Къэбэрдей-Балъкъэрым лэжьыгъэ IуэхукIэ къэкIуащ Осетие Ищхъэрэ - Алание Республикэм и Парламентым и лIыкIуэ гуп.
11.04.2026 - 09:03

ЩIыхэр зэрагъэзахуэ

Къэбэрдей-Балъкъэр Республикэм и муниципальнэ щIыналъэхэм я советым хэтхэм я зи чэзу зэIущIэр ды­гъуасэ КъБР-м и Правитель­ствэм и Унэм щрагъэкIуэкIащ.