Саранскда регбиден Мордовия Республиканы кубогу бардырылгъанды. Анга Пензадан, Къазандан, Саранскдан, Москвадан, Чебоксарыден, Ульяновскдан, Самарадан, Ногинскден бла бизни республикадан 2010 жылда туугъан спортчуладан къуралгъан командала къатышхандыла.

Къабарты-Малкъарны спортчулары кеслерини къауумларында эм кючлюле болгъандыла, ала Къазанны «Энергия» эм Пензаны «Ураган» командаларын хорлагъандыла. Алай жарым финалда Пензаны бирси къауумуна - «Арбековские тигры» - къытдырып, ючюнчю жерни алгъандыла.

Командабызгъа Нальчикни бла Бахсанны спорт школларыны келечилери киргендиле. Ала энди Дагъыстанда «Кубок академии регби Юг» турнирге къатышырыкъдыла, анда хорлагъанла уа «Кубок Соколова» битеукъырал эришиуде ойнарыкъдыла. Регбичилерибизни тренерле Алимбек Тхагазитов бла Алим Шаов хазырлагъандыла.

Кульчаланы Зульфия.