Элбрус районда Терс–Къол элни «Рахат» атлы къонакъ юйюнде миллет аш-азыкъны «Элбрусда – эрттен аш» деген фестиваль ётгенди. Бу ишге республикадан шеф-поварла къатышхандыла. Конкурсну эсеплерине кёре, биринчи жерге жюри Черек районда орналгъан «Салам» кафеде ишлеген Башийланы Мурадинни тийишли кёргенди.  

Баший улу къонакълагъа «Гёжеф аш», «Тюп-таш» (жолоучулукъгъа алыннган азыкъ), «Халтама» деген эрттегили малкъар халкъ азыкъланы жарашдыргъанды. Ашланы татыулу болгъанлары эм ариу жасалып берилгенлери Мурадиннге биринчи жерни алыргъа болушхандыла. 

Баший улуну хорламы бла Элбрус районну Жер-жерли самоуправлениясыны таматасы Тохаланы Хыйса саугъалагъанды. 
Андан сора да, конкурсну чегинде уллу байрам къуралгъанды. Анга келгенле тюрлю-тюрлю ашланы татыуларын кёргендиле. 

Баллиланы Алина.