Бу кюнледе Нальчикде   КВН-ни бийик лигасыны финал эришиую болгъанды. Анга Къабарты-Малкъар къырал университетни эмда Къабарты-Малкъар къырал аграр университетни, Нальчик шахарны жыйымдыкъ командалары къатышхандыла. Алагъа  Ставрополь крайны, Ингушетия Республиканы келечилери да  къошулгъандыла.
Оюн эки кесекден къуралгъанды: саламлашыу эмда оюнну аллында  жарау этиу. Командала асыры иги хазырланнгандан, жюриге сайлау этерге тынч тюйюл эди. Алай бла быйыл хорлам эки командагъа берилгенди: Нальчикни «Ингеборга Дапкунайте» эмда Ингушетияны «Хасан Халмурзаевну жыйымдыгъы».
КВН-ни кезиуюнде анга къатышханла, чам жаны бла  сынаулу юйретиучюле мастер-классла бардыргъандыла, атлары айтылгъан актёрла уа сахна усталыкъны дерслерин бергендиле.
Финалгъа  хазырланыргъа, аны бардырыргъа  да  «Юниор и Высшая лига КВН КБР» деген проектге кёре берилген грант себеплик этгенди. Проектге Лиана Хамизова бла Жантуудуланы Рустам башчылыкъ этедиле.

Холаланы Марзият.