Къабарты-Малкъарны спорт министри Ислам Хасанов Кёнделен элни Доттуланы Ахматны атын жюрютген биринчи номерли орта школунда болгъанды. Жыйылыугъа Элбрус районну администрациясыны башчысыны орунбасары Арслан Улимбашев, билим бериу управлениясыны башчысы Атакуланы Нуржан бла физкультура эм спорт комитетини таматасы Джаппуланы Магомет къатышхандыла, деп билдиредиле ведомствону пресс-службасындан.

«Диалог на равных» проектни чегинде министр мектепни устазлары, окъуучулары бла ушакъла бардыргъанды, аланы сорууларына жууапла бергенди. Аланы асламысы спортну энчи тюрлюлерин жайыуну, талай ведомстволу проектни толтуруугъа себеплик этиуню, билим бериу системада спортну жерини, клубланы айнытыуну, ГТО-ну нормативлерин бериу эм башха темала бла байламлы эдиле. Ислам Маратович быллай тюбешиуле этилген оноуланы тюз болгъанларын бла къалгъанларын ангыларгъа уллу себеплик болгъанларын белгилегенди. 

Кульчаланы Зульфия.