Къабарты-Малкъар Донецк эм Луганск халкъ республикада жашагъанлагъа гуманитар болушлукъну энтта да бир жюгюн жыйгъанды. Бюгюн 100 тонна гуманитар жюк ары ашырылады.

Гуманитар болушлукъ республиканы предприниматель биригиуюню эм уллу кёллю болмагъан адамларыны себепликлери бла къуралады.  Анга 10 тонна ун, 30 тонна гара суу, 20 тонна алма, 20 тонна жемиш-кёгет консерва, 20 тонна картоф, кийимле, биринчи керекге изленнген затла киредиле.

Алгъын республиканы Башчысы «муниципал сагъатны» чегинде Луганск эм Донецк халкъ республикалагъа гуманитар болушлукъ тапдырыугъа къошулууну магъаналылыгъыны юсюнден айтханды. Казбек Коков уллу кёллюлюк этмегенлери ючюн Къабарты-Малкъарны инсанларына эм бизнесни келечилерине ыразылыгъын билдиргенди. «Къабарты-Малкъар бирсилеге болушлукъ изленнген кезиуледе бир заманда бир жанында къалмагъанды – ол бизни адет-тёребиздеди. Бизде кючлю граждан жамауат эм бола тургъан ишледе кесибизни борчубузну ангылау барды», - дегенди Казбек Коков.

Алгъаракъда КъМР-ни Башчысы Казбек Коковну буйругъу бла Донецкни эм Луганскны адамларына 40 тонна гуманитар болушлукъ жетдирилгенди, анда аш-азыкъ эм биринчи кереклеге изленнген затла болгъандыла, ол санда сабийлеге керекле. Регион жашагъан жерлеринден къачаргъа тюшген ЛНР-ден бла ДНР-ден  800 инсанны алыргъа хазырды, сабийлеге реабилитация халлы солуу къурарча эм республиканы школларында аланы окъутурча онглагъа къаралады.