Кёп болмай Ленинград областьда «Сабанчылыкъны битеуроссей кюню - 2019» деген кёрмюч-форум ётгенди. Анда агропромышленный комплексни бёлюмлерини бар жангычылыкълары бла да шагъырейленирге онг бар эди. Кеслерини продукцияларын, проектлерин къыралны эки жюзден артыкъ эл мюлк предприятиясы кергюзтгенди. Кёрмючню юч кюнню ичинде сегиз мингден аслам адам жокълагъанды.
Къабарты-Малкъардан форумда эл мюлк министрни орунбасары Мачраил Шетовну башчылыгъында ведомствону келечилери, Агрохимия службаны станциясыны», «РФ-ни Селекция жетишимлени сынау эмда сакълау къырал комиссиясыны бла Россейни эл мюл арасыны республикада бёлюмлерини, «Каббалкмелиоводхоз управленияны», «Республикалы магистрал арыкъланы хайырланыу араны» эм «Зольский картофель» биригиуню таматалары болгъандыла. Ала жангы эл мюлк техникагъа къарагъандыла  эм коллегаларыны сынамлары бла шагъырейленнгендиле. Тюбешиулени чеклеринде келишимле да этилгендиле.