Къэбэрдей-Балъкъэрым экономикэ зыу­жьыныгъэмкIэ и министрым и къуэ­дзэ Белецкая Ольгэ иджыблагъэ хуэзащ республикэм хьэрычэт IэнатIэм зыщегъэужьынымкIэ и институтхэм я уна­фэщIхэу «Мой бизнес» щIыналъэ центрым и тхьэмадэ Дудар Хьэдисрэ «Хьэ­рычэт Iуэху мыинымрэ курытымрэ щIы­хуэкIэ дэIэпыкъунымкIэ фонд» НМКК-м и унафэщI Мечиев Камилрэ. 

ЗэIущIэр теухуауэ щытащ къэралым и щIыналъэхэм хьэрычэт Iуэху мыинымрэ курытымрэ щыпэрытхэм ядэIэпыкъуным хуэунэтIауэ Урысей Федерацэм и Президент Путин Владимир ищIа унафэр Къэбэрдей-Балъкъэрым зэрыщагъэзащIэ щIыкIэм. ­Къапщтэмэ, и гугъу ящIащ а IэнатIэхэм пэрыт цIыху бжыгъэр зыхуэдизым, апхуэдэ IуэхущIапIэхэу щIыналъэхэм щыIэмрэ илъэ­сым зэрыщIидзэрэ абыхэм къахэхъуам­рэ я бжыгъэр убзыхуным, хьэрычэтыщIэхэм республикэм зэрыщадэIэпыкъум, ахэр зыхуэныкъуэхэм, нэгъуэщIхэми.

ХЬЭЩЫКЪУЕЙ Олег.