Огъары Малкъарда адамла тенглери неда юйюрлери бла солурча тёрт юйчюк ишленнгенди. Аланы салгъанда хар не да эсге алыннганды: терезеден ариу табийгъат кёрюнюрча, аш этерча онгла эм башха отоуларыны таплыкъларына дери. Бир кереге алада 20 адам солуп кеталлыкъдыла. Бери юч-тёрт кюннге келгенле районну эм ариу жерлерине жолоучулукълагъа чыгъаллыкъдыла, сынамлы туристле уа Сукан эм Хазнидон ауузлагъа да ёталлыкъдыла.

Солуу жерле «Туризм эм къонакъбайлыкъны индустриясы» миллет проектни грантына ишленнгендиле, анга деп 4 650 000 грант ахча бёлюннгенди эм 2 500 000 софинансирование этилгенди. Республиканы Курортла эм туризм министерствосуну, жамауат организацияланы келечилери юйчюклени проект документациягъа келишгенлерине бла къалгъанларына, аланы ишленнгенлерине къарагъандыла. Комиссия объектни къабыл кёргенди.