КъМР-ни экономиканы айнытыу министри Рахайланы Борис конкуренцияны айнытыугъа эмда тап инвестициялы болум къураугъа къыйын салгъанланы саугъалагъанды. Министерствону аны бла байламлы Ыразылыгъы муниципалитетлеге, шахар округлагъа, коллективлеге, адамлагъа берилиучюдю. Анга тийишли болгъанланы уа ала сагъынылгъан ишлени тамамлаугъа къаллай къыйын салгъанларын тергеп алай билдиле. Сёз ючюн, конкуренцияны айнытыу жаны бла «жол карта» бар эсе къаралады. Дагъыда предпринимательлеге семинарла, «тёгерек столла» бардырылгъанын, муниципалитетле СМИ бла къалай ишлегенлерин да эсге аладыла.    

Алай бла озгъан жылны эсеплерине кёре биринчи жерге - Май, экинчиге уа – Прохладна районла тийишли болгъандыла. Ючюнчю жерни уа Прохладный шахар округ бла Терк район бёлгендиле.

Улбашланы Мурат хазырлагъанды.