Къабарты-Малкъар къырал университет «Приоритет 2030» деген къырал прогрмманы чеклеринде республиканы экономика бёлюмюн байыкъландырыргъа ахшы къошумчулукъ этеди.

Сабийлени тюрлю-тюрлю болумлада къоркъуусуз жашау бардырыргъа юйретиу, от тюшюуге къоркъуусузлукъну жорукъларын билдириу – сейирлери болгъан битеу министертволаны борчуду. 

Нальчикде Ленин атлы проспектде КъМАССР-ни искусстволарыны сыйлы къуллукъчусу, КъМР-ни  халкъ жазыучусу, ара шахарыбызны сыйлы инсаны Гуртуланы Берт жашагъан юйню къатында жыйылыу болгъанды – аны къабыргъасында халкъыбызны айтхылыкъ уланына мемориал къанга орнатылгъанды.

Нальчикде сабий чыгъармачылыкъны «Эрудит» арасында Тиширыуланы шахар советини себеплиги бла къууанчлы тюбешиу къуралгъанды. Ол Малкъар халкъны жангырыууна жораланнганды. Анга КъМКъУ-ну преподавательлери бла студентлери,  устазла, школчула, аланы ата-аналары да къатышхандыла.

Нальчикде Миллет музейде КъМР-ни Маданият министерствосу бла къарачай-малкъар халкъны маданият совети «От жагъабыз энди бир заманда да сууумасын!» деген ат бла кёрмюч къурагъандыла. 

Республиканы Правительствосуну Председатели Мусукланы Алий бардыргъан кенгешде финанс жумушланы тамамлау, социал-экономика жаны бла айнытыу, къолайсызланы эмда аскерчилени онгдуруу бла байламлы эм башха проектле бар эдиле.

КъМР-ни Башчысы Казбек Коков Къабарты-Малкъар Республиканы транспорт эмда жол мюлк министерствосуну коллегиясыны жыйылыууна къатышханды. Анда ведомствону 2022 жылда ишини эсеплери сюзюлгендиле.

Дагъыстанда юниорланы, жаш эм абадан спортчуланы араларында кикбоксингден СКФО-ну биринчилиги бла чемпионаты бардырылгъандыла. Алагъа  Чеченден, Дагъыстандан, Ингушетиядан, Къабарты-Малкъардан, Къарачай-Черкесден, Шимал Осетия-Аланиядан бла Ставрополь крайдан 800-ден аслам гёжеф къатышханды.

Быйыл Къабарты-Малкъарда «Къоркъуусуз эм тынгылы автомобиль жолла» миллет проектге кёре, медицина учреждениялагъа баргъан жолланы жангыртырча мадар этилликди.

Белгилисича, россейли спортчуланы тюрлю-тюрлю халкъла аралы эришиулеге къатышыр онглары жокъду. Бу кюнлеге дери ол чекле Олимпиада оюнла бла да байламлы эдиле. Алай бу кюнледе Халкъла аралы Олимпиада комитетни таматасы Томас Бах бизни атлетле анга къатышыргъа боллукъдула дегенди.