Нальчикде «Газпром межрегионгаз Нальчик» эм «Газпром газораспределение Нальчик» биригиулени кёк отлукъ бла байламлы соруулагъа къарагъан  бир арасы былтыргъа  ишин эсеплегенди. 

Россейни Правительствосуну бегимине тийишлиликде От тюшюуге къажау низамын тохташдыргъан жорукълагъа тюрлениуле кийирилгендиле, деп билдиредиле МЧС-ни регионда бёлюмюню пресс-службасындан.

Элбрус районну Ара библиотека системасына Тырныауузда бла элледе орналгъан 14 библиотека бла аланы бёлюмлери киреди. Аладан эм эрттегилиле 1938 жылдан бери ишлеген ючюнчю бёлюм, сабий эм ара библиотекала, Быллымда, Кёнделенде бла Огъары Бахсанда китапханаладыла.

Бюгюнлюкде Бахсан  шахар округну  эл мюлкге бёлюннген жерлерини  уллулугъу 12935 гектаргъа жетеди.  Андан ортакъгъа сабанлыкъла бла бахчалыкълагъа  – 9287, биченликлеге – 725, сириуге-71 эм терек бахчалыкълагъа 1386 гектар жетеди.

 «Россети Северный Кавказ» – «Каббалкэнерго» биригиуню специалистлери  республиканы электросетьлерине тынгылы ремонт этиу программагъа кёре,  ол санда кюз эм къыш кезиуге хазырланыуну профилактиканы чеклеринде, быйыл 35 кВ кюч ток берген  «Терекская» подстанциягъа тынгылы ремонт этерикдиле.

Бу кюнледе Къабарты-Малкъарда къонакъда Херсон областьдан жюзге жууукъ адам, асламысында сабийлери болгъан юйюрле, болгъандыла. Бир кюнлерин ала республиканы эм белигили жеринде –Элбрусда - ётдюргендиле.

Назраньда джиу-джитсудан эришиу бардырылгъанды. Анда тренер Залим Пшуковда жарау этген жашчыкъла алчы жерлени алгъандыла.

Ара шахарда регбиден Москваны кубогу бардырылгъанды, анга жети команда къатышханды. Анда «Академия ЦСКА 2010» команда ючюн Къабарты-Малкъардан жети спортчу эришгендиле: Къурманланы Элдар, Имран Ерижоков, Байтуугъанланы Алим, Малик Сеюнов, Данила Гриньков, Айдамир Куржиев, Аскер Тенов.

Жемиш терекле эмда наныкъ юлкюле орнатыу жаны бла алып къарагъанда, Къабарты-Малкъар саулай къыралда ал беш регионну санына киреди. Бизни республикада терекчикле ёсдюрюуню да къолгъа алгъандыла.

Нарткъалада 1-чи номерли лицейде, «Урок цифры» деген Битеуроссей билим бериу башламчылыкъны чеклеринде, бизнесде тинтиулеге эмда компьютер программала жарашдырыугъа жораланнган дерс бардырылгъанды.