Озгъан солуу кюнледе «Эльбрус» курортда «Биринчи ыз» деген жангы тариф хайырланылып башлагъанды.

   «Кавказ.РФ» акционер общество кийирген жангы амал тау лыжаланы бла сноубордну сюйгенлегеди. Аны хайырлана, бир беш адамдан уллу болмагъан къауумла, канаткала ишлеп башлардан сагъат бла жарым заманнга алгъа, таугъа кётюрлюп, андан учаргъа боллукъдула.

  Аны таматасы Хасан Тимижев билдиргеннге кёре, «Архыз» курортда ала бу тарифни бир ыйыкъ алгъа кийиргендиле. Анда солугъанла аны бек жаратхандыла.

- «Архызда» энчи канатканы бла 3 километрлик трассаны бёлюрге тюшгенди бу тарифни сайлагъанлагъа. Минги тауну тийресинде уа хал болмагъанча аламатды. Нек дегенде Канаткала бир бирлери ызларындан орнатылыпдыла. Сора бир тюшюуню узунлугъу 6 километр чакълы болады, - деп чертгенди ол.

  Эсигизге салайыкъ, 2024 жылгъа дери «Кавказ. РФ» бла РФ-ни Экономиканы айнытыу министерствосу бу тийреде 31 инфраструктура объект ишлер муратлыдыла. Ол санда 8 жангы трасса да.

Таппасханланы Аминат.