Былтыр Россейни Къоруулау министерствосу бардыргъан «Уллу Ата журт урушда жоюлгъанланы  ёмюрге эсде къалырча этерге»  деген федерал программагъа кёре, Къабарты-Малкъарда 24 эсгертмени игилендирирге план бар эди.  Аны чеклеринде быйыл Тырныауузда Эсгериуню  майданында мемориалны бла  Быллымда Къарындаш къабыргъа тынгылы ремонт этип башлагъандыла. Аны юсюнден бизге Элбрус муниципал районну администрациясыны пресс-службасындан билдиргендиле. 
Ишлени кезиуюнде мемориалланы  тап халгъа келтирликдиле. Ол санда, эсгертмени эм  тёгерек-башны  да жангыртып, мардалагъа келиширча этерикдиле. Къазауатха къатышхан жигитлени атлары жазылгъан   мермер таш да  жангыртыллыкъды.