Белгилисича, Къабарты-Малкъар Республика къуралгъанлы 100-жыллыгъына жораланып,  талай социал магъаналы иш бардырыллыкъды.  Аны чеклеринде Нальчикде  Къулийланы Къайсын атлы  проспектге да ремонт этип башлагъандыла. Бусагъатда подряд организацияны келечилери жолну кенгертир мурат бла   бордюрланы  къобарадыла  эм башха жумушланы тамамлап  кюрешедиле. 
Ишлени кезиуюнде жол мардалагъа келиширча боллукъду. Жаяу жолчукълагъа плитка салынырыкъды, ток ызла,  улоу тохтагъан комплексле жангыртыллыкъдыла эм  тёгерек-баш айбатландырыллыкъды.  
Аны бла бирге  Къулий улу проспект  Шортанов атлы орамгъа къошулгъан жер да тапландырыллыкъды.   Графикге кёре, объект саулай быйыл август айгъа битерикди.