|
|
МИНИСТРЫР КЪБР-М И ЩIАЛЭГЪУАЛЭ ПРАВИТЕЛЬСТВЭМ И ЛIЫКIУЭХЭМ ЯIУЩIАЩ
18 января, 2022 - 06:29
Къэбэрдей-Балъкъэр Республикэм ЩIыуэпс хъугъуэфIыгъуэхэмрэ экологиемкIэ и министр Шаваев Ильяс КъБР-м и ЩIалэгъуалэ правительствэм и лIыкIуэхэм иджыблагъэ яIущIащ.
ЗэIущIэм хэтащ КъБР-м и ЩIалэгъуалэ правительствэм и унафэщIым и къуэдзэ Ахметов Артуррэ щIыуэпс хъугъуэфIыгъуэхэмрэ экологиемкIэ и министр Берюковэ Аннэрэ.
ЗэIущIэм щытепсэлъыхьащ министерствэмрэ ЩIалэгъуалэ правительствэмрэ зэрызэдэлэжьэну щIыкIэхэм, къапэщылъ Iуэхугъуэхэм, нэхъапэ игъэщыпхъэ икIи къыхэлъхьапхъэ проектхэм.
Апхуэдэу, къулыкъущIэ ныбжьыщIэхэм къыхалъхьащ дыкъэзыхъуреихь дунейр хъумэнымрэ экологие щIэныгъэр хэгъэхъуэнымкIэ лэжьыгъэ егъэкIуэкIыпхъэу, курыт еджапIэм щIэсхэр а Iуэхум жыджэру къыхэшапхъэу.
«Дызэрыт илъэсым дызэлэжьыну дубзыхуа Iуэхухэм япкъ иткIэ щIыуэпсыр хъумэным хуэгъэзауэ лэжьыгъэ зыбжанэ щыIэщ. ДызэрегупсысымкIэ, абыхэм щIалэгъуалэ нэхъыбэ къыхэшэн хуейщ, дыщIэлажьэр къытщIэхъуэ щIэблэращи, дызыпэрыт IэнатIэм и мыхьэнэр къагурыдгъэIуэну къытпэщылъщ», – жиIащ Шаваев Ильяс.
Министрым КъБР-м и ЩIалэгъуалэ правительствэм и лIыкIуэхэм фIыщIэ яхуищIащ ирагъэкIуэкI лэжьыгъэхэм я нэIэ зэрытетым, щIэгъэкъуэн къазэрыхуэхъум папщIэ, икIи къигъэгугъащ, къыхалъхьэ проектхэм гъуэгу етынымкIэ дэIэпыкъуэгъу яхуэхъуну.
ШУРДЫМ Динэ.
 |
|
22.04.2025 - 10:22 Хуэныкъуэхэм е унагъуэ хуэмыщIахэм зэгурыIуэныгъэкIэ къэралым зэрызащIигъакъуэ Iэмалыр зэрырагъэфIакIуэм теухуауэ щытащ КъБР-м и Парламентым ЛэжьыгъэмкIэ, социальнэ политикэмкIэ, узыншагъэр х |
 |
|
22.04.2025 - 09:14 Къэбэрдей-Балъкъэрым щыщыIэ инфляцэр, илъэс пIалъэкIэ къэбгъэлъагъуэмэ, Кавказ Ищхъэрэми УФ-ми щынэхъ цIыкIущ, къитащ Урысей Банкым и къудамэу КъБР-м щыIэм и пресс-IуэхущIапIэм. |
 |
|
22.04.2025 - 09:13 ЩIыуэпсым гулъытэ хэха хуэщIыным хуэгъэзауэ гъатхэм ирагъэкIуэкI лэжьыгъэхэм «ЩIым и махуэ» фIащами, нэхъапэхэм абы зэреджэу щытар «ЩIы-Анэм и дунейпсо махуэщ». |
 |
|
21.04.2025 - 12:00 КъБР-м и Iэтащхьэ КIуэкIуэ Казбек иригъэкIуэкIащ Къэбэрдей-Балъкъэр Республикэм промышленнэ продукцэр хабзэншагъэкIэ зэрызэрагъэкIуэкIым пэщIэтынымкIэ и комиссэм и зэIущIэ. |
 |
|
21.04.2025 - 09:01 НыбжьыщIэхэр зэпоуэ
|
|
