|
«Айныргъа, чыгъармачылыкъгъа да ахшы онгла къурарыбыз»
15 декабря, 2021 - 05:56
КъМР-ни Башчысы Казбек Коков Жаш тёлюню чыгъармачылыкъ мекямыны къурулуш майданына къарагъанды, анда 2022-2024 жыллада ишлени бошаргъа федерал бюджетден эки миллиард сомдан аслам бёлюнюрюкдю.
«Жаш тёлю чыгъармачылыкъ къауумла айнырча эм алагъа Къабарты-Малкъарны эм бийик даражада кёргюзтюрча битеу онгланы къурарыкъбыз»,- дегенди КъМР-ни Башчысы объектни отоуларына къарап айланнганда.
Жарашдырылгъан проектге кёре Чыгъармачылыкъ мекямда художестволу мастерскойла, кино эм архитектура студияла, коворкинг-зонала боллукъдула. Алада жаш тёлю кеси проектлери бла ишлерикди, сейирлери болгъан затла бла шуёхлукъ да табарыкъды. Мекямны ичинде шёндюгюлю оборудование орнатыллыкъды, ол кёрмючлени, жаш тёлю форумланы, фестивальланы, илму конференцияланы эм чыгъармачылыкъ мероприятияланы бардыргъан ара боллукъду.
Жаш тёлю мекямны мурдорунда шёндюгюлю искусствону бла компьютер технология амал бла ишлеген тарых-патриот музейле къураллыкъдыла.
Ол мекямда, андан сора да, Б.Х. Темирканов атлы Къабарты-Малкъар къырал филармония орнатыллыкъды, концертлерин бардыра турурча энчи зал этилликди. Филармонияны залын архитектура акустикада хайырланылгъан шёндюгюлю технологияла бла ишлерикдиле.
«2002 жылда башланнган узакъгъа созулгъан къурулушну, РФ-ни Президенти Владимир Путинни эм Россейни Правительствосуну болушлугъу бла бошаргъа онг чыкъгъанды.
Мекям Къабарты-Малкъарны эм сыйлы жерлеринден бирине саналлыкъды, ол жаш тёлюню кесине тартхан ара боллукъду эм Нальчик курортну да бютюн ариу этерикди», - дегенди Казбек Коков объектни къурулушчула бла сюзгенде.
КъМР-ни Башчысы республиканы къурулуш министерствосуна мекямны проектине шёндюгю оноулагъа кёре тюрлениуле кийирирге кереклисин айтханды. Аны фасады Нальчикни ол тийреледе ишленнген юйлерини сыфатларына келиширча эм ол жерлени да тапландырыргъа кереклисин чергенди.
Бизни корр.
|
01.05.2024 - 09:03 Республиканы спортну беш тюрлюсюнден жыйымдыкъ командасы олимпиаданы эки кере чемпиону Андрей Моисеевни хурметине бардырылгъан битеуроссей эришиуледен жетишимли болуп къайтханды. |
|
01.05.2024 - 09:03 Къабарты-Малкъарны хурметли жамауаты!
Сизни Жаз башыны бла Урунууну байрамы бла жюрегимден къызыу алгъышлайма! |
|
30.04.2024 - 09:03 РФ-ни ФСИН-ини КъМР-де Управлениясыны бахчаларында жаз башы кезиулю ишле башланнгандыла. Бюгюнлюкде 350 гектарда урлукъ салыннганды, - деп билдиргендиле ведомствону пресс-службасындан. |
|
30.04.2024 - 09:03 Дуния жаратылгъанлы бери адам улусу жашаргъа юй-журт, малына халжар, къора, орун, бау, ашын-сууун тутаргъа гуму, тийресин бегитирге хуна ишлегенди. Ол тёре бюгюнлюкде да барады. |
|
29.04.2024 - 10:01 Кёнделенни Энейланы Тимур атлы 4-чю номерли школуну Элбрус районда, саулайда республикада даражасы бийикди. |
|