26 сентября, 2021 - 06:30
Росавтодор бла регионланы арасында келишимге кёре «Регион, муниципал эм жер-жерли магъаналы автомобиль жолланы игилендириуге себеплик этиу» прогрмма бла 84 субъектге бюджетден 30 миллиард сом бёлюннгенди. Проектни чеклеринде 2000 километр чакълы 1000 объект тапландырыллыкъды. Аланы санында социал магъаналы трассала, магистральла эм жолла да бардыла. Саулай да регионлада 17,7 миллион квадрат метр жол жангыртыллыкъды.
Къабарты-Малкъарны юсюнден айтханда, сагъынылгъан программагъа кёре 200 милион сом берилгенди. Анга бир къауум объектге тынгылы ремонт этилликди – Акъ-Сууда-Жабо улу, Бахсанда -Почта, Атажукинода - Кадзоков, Озрекде - Мир, Нальчикде - Осипенко, Ашуров, Хасанияда - Улбаш улу, Кенжеде Катханов орамлагъа. Алада школла, садикле, больницала, колледжле эм башха социал учрежденияла орналадыла.
- Федерал бюджетден къаошакъ ахча берилгени планда болгъан участокланы алгъаракъ бошаргъа эм ишлени тынгылы бардырыргъа онг тапдырлыкъды, - деп билдиргендиле КъМР-ни Транспорт эмда жол мюлк министерствосуну пресс-службасындан.
Бюгюнлюкде сагъынылгъан участокланы кёбюсюнде ишле башланнгандыла. Жангыртылгъан объектле быйыл кюзню ахырына битерге керекдиле.
Магометланы
Сулейман.