Республиканы Спорт министерствосу билдиргенине кёре, бу кюнледе Нальчикде «Спартак» стадионда дзюдодан Къабарты-Малкъарны чемпионаты ётгенди.
Кеслерини ауурлукъ къауумларында алтын майдалланы Астемир Шинахов, Галим Марышев, Гелястанланы Тамерлан, Уянланы Магомет, Гайыланы Омар, Уяналаны Ислам, Астемир Ахметов алгъандыла. «Кюмюшлеге» Вейсал Биналиев, Ислам Журтов, Ислам Тленкопачев, Башийланы Темболат, Байсыланы Амир, Рахайланы Солтан, Аслан Аликперов тийишлидиле. Астемир Кашироков, Астемир Камбиев, Муса Моздогов, Рахайланы Алан, Мызыланы Малик бла Мухаммат, Балаланы Мажит, Альберт Алоев, Мурат Гучинов, Атмир Тлямитхачев, Тамерлан Кульчиев а ючюнчюле болгъандыла.
Спортчуланы тренерле Дзуев Б.З., Дзуев З.З., Иванов Д.А., Апхудов А.М., Борукаев Ю.А., Бунятов А.М., Шауаланы Х.М., Ким Р.К., Боготов М.М., Махов О.М., Купов Э.М., Саральпов О.Б. хазырлагъандыла.
