Ата журтну къоруулаучусуну кюнюне аталып, РФ-ни Жууапха тартылгъанланы терсликлерине жолукъдурууну федерал службасыны КъМР-де Управлениясыны уголовно-толтуруу инспекциясыны къуллукъчулары республиканы школларында Кишиликни дерслерин бардыргъандыла. Тюбешиуле Черек, Прохладна, Чегем, Май, Урван эм Лескен районланы орта школларыны 7-чи-11-чи классларыны окъуучулары бла къуралгъандыла.

Жаш адамлагъа Уллу Ата журт урушну жигитлерини, Ата журтубузну къоруулагъан жерлешлерибизни юслеринден айтхандыла. Сёз энчи аскер операциягъа къатышхан батырларыбызны юсюнден да баргъанды. Къонакъла жаш адамланы  хорламны аскерчилерине хурмет этерге, тарыхны билирге чакъыргъандыла.

Тикаланы Фатима хазырлагъанды.