КъМКъУ-ну медицина колледжини китапханасында энчи аскер операциягъа къатышхан жерлешлерибизни бир къаууму бла тюбешиу болгъанды. Студентлеге къонакъгъа  «Ата журтну къоруулаучулары» деген къырал фондну регион бёлюмюню башчысыны орунбасары Чеченланы Эльдар, аскер борчун толтуруп къайтхан  Герийланы Аслан, Запорожье областьда къуралгъан «Барс» отрядны санында къуллукъ этген Роман Коваленко, фельдшер  Искандер Чахалов келгендиле. 
Жашла бюгюнлюкде  жерлешлерибиз, къыралыбызны сейирлерин къоруулай, аны тынчлыгъы, келир ырахат жашауу ючюн жанларын, къанларын аямай къазауат этгенлерин айтып: «Жюреклерибиз бла биз  тенглерибиз, Ата журтну аскерчилери бла биргебиз.  Къазауат баргъан жерде болуу, ол махтаулукъгъа  атланыу тюйюлдю, ол халкъыбызны, Ата журтубузну тынчлыгъын  къоруулаугъа барыуду »,- деп чертген эдиле.
Тюбешиу керти да сейирлик, ким да эс бурурча ётгенди.

Холаланы Марзият.