Россей Федерацияны Экономиканы айнытыу министерствосу къыралда кёп жумушланы тамамлагъан араланы (МФЦ) былтыр ишлерини къыйматлылыгъыны рейтингин къурагъанды. Аны 33 кёрюмдюге кёре жарашдыргъандыла, алада цифралы, сора эм жангы технологияла нечик хайырланылгъанына да къарагъандыла. Алай бла ишлерин къыйматлы бардыргъан къауумгъа 35 регион, ол санда Къабарты-Малкъар да тюшгендиле.

«Мени документлерим» деген арала къурау жаны бла проект Владимир Путинни буйругъу бла 2012 жылдан бери бардырылады. Бюгюнлюкде МФЦ системагъа 2870 офис эмда 9675 бёлюм киреди, хайырланыучулагъа 47 минг «терезе» ишлейди. Быйыл биринчи кварталда гражданла алагъа 19 миллион кере баргъандыла, берилген жумушланы качествосуна адамла нечик ыразы болгъанларын ачыкълагъан кёрюмдю уа 98 процентге жетгенди.

Улбашланы Мурат хазырлагъанды.