Полицияны капитаны РФ-ни МВД-сыны «Баксанский» муниципалитетле аралы бёлюмюню участка уполномоченныйи Мурат Жиновну 2018 жылда 3 октябрьде къуллукъ этген кезиуде Атажукино элде сауутланнган аманлыкъчы ёлтюргенди. Ишчи борчун толтургъанда кёргюзтген батырлыгъы ючюн Мурат Жинов Россей Федерацияны Президенти Владимир Путинни Указы бла Кишиликни орденине тийишли кёрюлгенди.
Аны бере, КъМР-де ич ишле министр генерал-лейтенант Игорь Ромашкин жашны юй бийчесине бла къарындашына къайгъы сёз бергенди, Мурат Жинов кертичилик бла къуллукъ этгенин, намыслы, адепли болгъанын, къадары къысха эсе да, керти офицерча республикада мамыр жашауну, тынчлыкъны къоруулай жоюлгъанын чертгенди.
Оксана Жинова Ич ишле министерствогъа бла Игорь Ромашкиннге ыразылыгъын айтханды, полициячыла дайым да юйюрге болушханлары, билеклик этгенлери ючюн ыспас этгенди.