Тёбен Чегемде футбол команда къуралып, жарау этип тебирегенли жыл чакълы болады. Анга тренерлик этген Аппайланы Заур алгъын кеси да спортну бу тюрлюсю бла кюрешип тургъанды. Кёп болмай а ол элли жашлагъа футболдан секция къурагъанды. Аппай улуну башламчылыгъын Чегем районну спорт школуну таматалары да бек жаратхан эдиле. Болсада алада уллу ийнаныулукъ жокъ эди тренер тынгылы команда окъуна жыяр деп. 
Бюгюнлюкде уа футболдан жарау этерге 40-гъа жууукъ жаш жюрюйдю. Алгъаракъда уа эл администрацияны башчысы Макытланы Тамирланны эм башха элли жашланы болушлукълары бла командагъа форма да сатып алыннганды.
Аппайланы Заур айтханнга кёре, жашла эришиулеге къатышыргъа энди толусунлай хазырдыла.

Суратда (солдан онгнга): (олтургъанла) Жазаланы Мурат, Макытланы Расул, Къумукъланы Талип, Хосаланы Ахмат, Локияланы Марат, Аппайланы Марат, (сюелгенле) Къонакъланы Алан, Шекерланы Исмайыл, Къонакъланы Мустафа, Сарбашланы Руслан, Макытланы Тамирлан, Аппайланы Заур, Кёккёзланы Астемир, Залийханланы Абдул- Малик, Наршауланы Расул.