|
|
Хайырлы байламлыкъла
30 января, 2023 - 06:25
Кёп болмай Къабарты-Малкъар къырал университетни келечилери Луганск халкъ республиканы къырал педагогика университетине билим бериуде керекли оборудование ашыргъандыла. Аны юсюнден вузну пресс-службасындан билдиргендиле.
КъМКъУ-ну ректоруну биринчи орунбасарыны къуллугъун толтургъан, билим бериу жаны бла проректор Вадим Лесев айтханнга кёре, ЛГПУ-да устазланы билимлерин ёсдюрюу жаны бла да уллу иш бардырылады. Ол санда былтыр вузну мурдорунда жети курс эм студентлеге да алты практика ётдюрюлгенди.
Бюгюнлюкде бирге ишлеуню чеклеринде РФ-ни Илму эм бийик билим бериу жаны бла министерствосуну эм ЛГПУ-ну келечилери бла келишип, вузгъа тийишли оборудоване жибергендиле. Анга юч интерактив къанга бла жыйырма компьютер киргенди. Мындан арысында да Къабарты-Малкъар къырал университет Луганск халкъ ресубликаны къырал педагогика университети бла байламлыкъ жюрютюр муратлыды.
Аны бла бирге бусагъатха дери да мюлк-техника онгун игилендириуге ахшы къошумчулукъ этгенлерине педагогика университетни ректораты КъМКъУ-ну ректоруну къуллугъун толтургъан Юрий Альтудовха эм саулай вузгъа ыразылыгъын билдиргенди.
 |
|
06.06.2026 - 09:03 Бу кюнледе Чегемни физкультура-саулукъну кючлеу арасында аскер самбодан регионла аралы эришиу бардырылгъанды. |
 |
|
05.06.2026 - 13:39 Шауаланы Хасан адабиятда бек фахмулу, айтхылы, энчи кёз къарамы, энчи жашау сынауу болгъан, энчи хатлы прозачыларыбызданды. |
 |
|
05.06.2026 - 13:38 Къабарты-Малкъарда быйыл тёрт айгъа хайырланылгъан электрокюч ючюн «Россети Северный Кавказ» – «Каббалкэнерго» биригиуге 3,4 миллиард сомдан аслам тёленнгенди. |
 |
|
04.06.2026 - 12:25 Спортну сюйгенлеге быйылгъы жай Профессионал тутушуу лиганы – PWL – эришиую бла башланнганды, ол «Вымпел» спорт-кёрмюч арада ётдюрюлгенди. |
 |
|
04.06.2026 - 09:58 Къабарты-Малкъарда бешкюнлюк аскер-патриот жыйылыула башланнгандыла. Бу жол алагъа республикадан беш мингден аслам адам къатышады - асламында школчула.
|
|
