КЪОНАКЪЛАГЪА КЪУУАНЧ БЛА ТЮБЕРИКДИЛЕ

Быйыл 24 декябрьде  «Эльбрус» тау-лыжа курортда къыш кезиуню  ачылыуу бла байламлы уллу байрам ётерикди. Къонакълагъа курортну белгили  жигити   Муха тюберикди.  Андан сора да, ол кюн шоу, концерт, тюрлю-тюрлю конкурсла бла оюнла да ётерикдиле.  

- Быйыл къонакълагъа учуучу  трассалада бла жамауат зоналада социал сетьледе белгили тюлкюню  Муханы суратлары салынырыкъдыла.   Аш-суу жюрютюлгени ючюн болур арт заманлада   Элбрусну тау бетлерине  тюлкюле келирге  бек сюедиле.  Болсада аланы барына да туристле Муханы бетинден къарайдыла.

Арт жыллада Мухасыз курортда бир тюрлю  акция  бардырылмайды. Ол  виртуал халда «Таза тау» экология акциягъа да ахшы  къошумчулукъ этгенди. Аны сураты бла тюшерге сюймеген жокъду,  кир-кипчик  жыяргъа болушханла да аллай зауукълукъдан къалмагъандыла.   Алай бла Муха курортну талисманына айырылгъаны бошдан тюйюлдю,-  дейди   «Кавказ.РФ» биригиуню таматасыны орунбасары  Николай Гончаров.

Байрам жангыртылгъан  Азау талада ётерикди. Программагъа кёре 11:00 сагъатда концерт башланырыкъды, ызы бла  викторинала,  флешмобла,  оюнла боллукъдула эм алагъа къатышханлагъа  саугъала берилликдиле. Фокусла кёргюзтген  артистле эм башхала да  сейир  номерлери бла къараучуланы кёллерин кётюрлюкдюле.   Ол кюн  ярмарка, суратха тюшген зона да  ишлерикди. Къонакъланы  27 декябрьге дери Къар Аппагъа  письмо жазаргъа онглары да барды. Болсада аны узакъ жолгъа  эм бийикде орналгъан Гара-Башы станцияда  почта оруннга атып жиберирге керекди. 

Быйыл «Элбрус»  тау-лыжа курортда  сезон 19 ноябрьде ачылгъанды. Бир айны ичинде мында 28 мингден аслам адам солугъанды. Былтыр бу заман бла тенглешдиргенде, ол 60 процентге кёпдю.

Бизни корр.

Поделиться:

ЧИТАТЬ ТАКЖЕ:

26.03.2025 - 09:09

Жетишимле болурча онгла къураладыла

Кёп болмай Тырныауузда Элбрус районда озгъан жылны эсеплерин чыгъарыугъа, муниципалитетни социал-экономика жаны бла айныууну жолларын белгилеуге жораланнган жыйылыу бардырылгъанды.

26.03.2025 - 09:07

Мадарымлыланы санына къошулгъанды

Арт алты жылда Къабарты-Малкъарда кеслери бир тюрлю иш бла кюрешгенлени саны 55 кереге кёбейгенди.

26.03.2025 - 09:06

Ана тилни, миллет энчиликлени да юслеринден

Къабарты-Малкъарда Май  районда Ново-Ивановское элни тарыхы 1885 жыл бла башланады. Аны Россейни Полтава областындан кёчюп келген оруслула къурагъандыла.

26.03.2025 - 09:03

Сууну магъанасыны юсюнден дерс

Суу байлыкъланы Битеудуния кюнюне атап, РусГидро Нальчикде 10 номерли мектепде ачыкъ дерс бардырылгъанды. Анга гитче классланы окъуучулары къатышхан эдиле.

25.03.2025 - 09:27

Агъачха заран салынмазча

Кёп болмай КъМР-ни табийгъат байлыкъла эмда экология министри Шауаланы Илиясны башчылыгъы бла  Нальчикни агъач мюлкюню Кенжеде бёлюмюнде  юйрениулени экинчи кесеги  ётгенди.