Бу кюнледе «Билим бериуню айнытыу» эм «Эл жерлени комплекс халда айнытыу» къырал программалагъа кёре, Прохладна районда билим бериу учреждениялагъа тынгылы ремонт этиледи. 

Ол санда Екатериноградская станицада школну юй башында къанжалларын, терезелерин, эшиклерин, таза, кир суу баргъан быргъыларын, жылытыучу системасын, ток баргъан чыбыкъларын, вентиляциясын, ёртенни билдирген сигнализациясын эм башха затларын да жангыртып бошагъандыла.  

Ючюнчю этажында полгъа, ашхананы да ичине плитка жасалгъанды, класслагъа да жангы эшикле салыннгандыла. Экинчи къатында да плитка салып эм радиаторла орнатып башлагъандыла. Аны бла бирге мектепни тыш къабыргъаларын да сюртюп, цокалинда да ремонт этип бошай турадыла.

Объект жангы окъуу жылда жети жюзден аслам сабийге эшиклерин ачарыкъды.

Солдатская станицада да «Эл жерлени комплекс халда айнытыу» программагъа кёре 140 гитчеге сабий садны къурулушу барады. Бюгюнлюкде аны эки корпусун да къалап, башларын жабып эм ичлерин да сюртюп бошагъандыла. Кёп болмай терезеле, эшикле да салгъандыла. Бу кюнледе уа подряд организацияны келечилери коммуникацияларын жарашдырып эм башха жумушларын тамамлап кюрешедиле.

Бизни корр.