Музыка театрда Росгвардияны Россейни халкъ артисти генерал-майор Виктор Елисеев башчылыкъ этген академиялы жыр, тепсеу ансамблини концерти болгъанды. Ол артистлени Шимал-Кавказ федерал округда гастрольларыны чеклеринде къуралгъанды.

Концертге министерстволаны бла ведомстволаны келечилери, Росгвардияны управлениясыны къуллукъчулары бла аскерчилери келгендиле. Сахнадан Уллу Ата журт урушну кезиуюнде жазылгъан эмда халкъ жырла айтылгъандыла, совет киноладан макъамла согъулгъандыла. Ансамбльни хореография къаууму уа къараучуланы сейир тепсеуле бла къууандыргъанды.

Андан ары ансамбльни артистлери Пятигорскда концерт бергендиле.

Тикаланы Фатима хазырлагъанды.