КЪЭРАЛЫГЪУЭМ И МАХУЭМ И ЩIЫХЬКIЭ

26 ноября, 2022 - 09:11

Урысей Федерацэм и Лъэпкъ гвардием и дзэм уэрэдымрэ къафэмкIэ и академическэ ансамблым Налшык и Музыкэ къэрал театрым щэкIуэгъуэм и 20-м псапэ хуэщIэу концерт гукъинэж щитащ, Кавказ Ищхъэрэм мы зэманым зэрызыкъыщигъэлъагъуэм и программэм хыхьэу. Ансамблым и ­художественнэ унафэщIыр икIи и дирижёр нэхъыщхьэр ­УФ-м и цIыхубэ артист, генерал-майор Елисеев Викторщ. Концертыр къызэрагъэпэщащ Къэбэрдей-Балъкъэрым и къэралыгъуэр илъэси 100 зэрырикъум и щIыхькIэ.

Ар иригъэкIуэкIащ УФ-м щэнхабзэмкIэ щIыхь зиIэ и лэ­жьакIуэ Шустиков Игорь. Пшыхьым зыкърагъэхьэлIащ КъБР-м и Правительствэм и Аппаратым и лIыкIуэхэм, Урысей гвардием щIыналъэм щиIэ управленэм и унафэщIхэмрэ и лэжьакIуэхэмрэ, абыхэм я унагъуэхэр, налшыкдэсхэр.
Налшыкдэсхэм гуапэу кърагъэблэгъащ урысеидзэм макъамэ, къафэ гъуазджэхэмкIэ и гуп нэхъ ин дыдэхэм ящыщ ансамблыр. Пшыхьым щыжаIащ ансамблым и хорымрэ оркестрымрэ я репертуарым илъэс куэд щIауэ хэти, къагъэщIэрэщIэжаи, иджы дыдэ къащта уэрэдыщIэхэри. Совет кинофильмхэм хуатха, Хэку зауэшхуэм теухуа, урыс цIыхубэ уэрэд цIэрыIуэхэр жыпIэми, псори удэзыхьэхырт. Нэхъыжьхэм фIыуэ ящIэж Островой Сергей и псалъэхэр зыщIэлъ «Ты, Россия моя» уэрэдыр, композитор Туликов Серафим макъамэ зыщIилъхьар. Ар удихьэхыу пшыхьым щигъэзэщIащ УФ-м щIыхь зиIэ и артисткэ Елисеевэ Наталье. Апхуэдэу Iэгуауэ ин зыхуаIэтахэм ящыщщ «Вдоль по Питерской», «Живёт моя отрада» уэрэдхэми, нэ­гъуэщI­хэми, ягу зэрыдыхьэр нэрылъагъуу, дежьууащ едэIуа­хэр.
Ансамблым и къэфакIуэхэм ягъэзэщIащ «Казачья пляска», «Яблочко» къафэхэр. Кинофильм цIэрыIуэхэм къыхэщхэм, цыджан цIыхубэ уэрэдхэм ящыщщ «Цыганская фантазия», «Неуловимые мстители», «Главный калибр», «Жестокий романс», «Табор уходит в небо» уэрэдхэр. Пшыхь гукъинэжыр ягъэдэхащ УФ-м щIыхь зиIэ и артистхэу Дмитриев Алексей, Громов Виктор, Лукашевич Александр, Новиков Марк, Насонов Евгений, Мамонов Михаил, Бурят Республикэм щэнхабзэмкIэ щIыхь зиIэ и лэжьакIуэхэу Саможапов Русланрэ Цыденов Норполрэ. Цыджан къафэхэр щIэщыгъуэу игъэзэщIащ «Ромэн» театрым и къэфакIуэ Iэзэ Богданов Артур. Пшыхьыр зэхуащIыжащ композитор Агапкин Василий и макъамэ зыщIэлъ «Прощание славянки» уэрэд цIэрыIуэмкIэ.
Ансамблым Владикавказ, Грознэ, Нэзран къалэхэм концертхэр щитащ. АдэкIэ и программэм щыпищэнущ Псыхуабэ къалэм.
Сурэтхэр Къарей Элинэ трихащ.

 

ТЕКIУЖЬ Заретэ.

  • 21 просмотр

Поделиться:

ЧИТАТЬ ТАКЖЕ:

29.04.2025 - 12:25

ФIым къыхураджэу

«Спортыр террорым и бийщ» къыхуеджэныгъэм щIэту Налшык къалэм и «Налшык» спорт комплексым щекIуэкIащ кикбоксингымкIэ республикэ зэхьэзэхуэхэм я кIэух Iыхьэр.
29.04.2025 - 09:03

Бахъсэндэсхэмрэ спортымрэ

Бахъсэн къалэм и администрацэм и унафэщI Мамхэгъ Хьэчим иджыблагъэ дыщигъэгъуэзащ иужьрей зэманым бахъсэндэсхэм спортымкIэ яIа ехъулIэныгъэхэм икIи абыхэм уариплъэу щытмэ, узыщыгуфIыкIыныр мащIэкъэ
29.04.2025 - 09:03

Уафэ гъуэгъуэрейр уэшхыншэщ

Астрономхэр щыхьэт зэрытехъуэмкIэ, щыблэм и теплъэ зэхуэмыдэхэм, ди планетэм и мызакъуэу, Дыгъэм къедза адрей уафэщIхэми, псалъэм папщIэ, Ураным, Венерэм, Сатурным, Юпитерым, нэгъуэщIхэми уащрихьэл
29.04.2025 - 09:03

ТекIуахэр ягъэлъапIэ

Налшык дэт Гимназие №I-м щекIуэкIащ илъэс къэс зэхаублэ «Рыцари закона» республикэ зэпеуэм и къалэ Iыхьэр.
28.04.2025 - 09:19

ЛIы щыпкъэм и къекIуэкIыкIэр

Аруан щIыналъэм хыхьэ Псынабэ къуажэм дэт курыт еджапIэм иджыблагъэ къыщызэIуахащ къуажэдэс ­нэхъыжьыфI Къэгъэзэж Щамхьир и гъащIэмрэ и лэ­жьыгъэмрэ теухуа плIанэпэ.